web counter
LEXO PA REKLAMA!

SHKARKO APP

App Store
Google Play

E fundit!

x

Bilanci i luftës Izrael-Hamas/ Mbi 2700 persona të vrarë, mijëra të plagosur

13 Tetor 2023, 07:51, Kosova & Bota CNA

Bilanci i luftës Izrael-Hamas/ Mbi 2700 persona të vrarë,

Luftimet mes Izraelit dhe Hamasit vijojnë të jenë të ashpra, duke thelluar kështu edhe numrin e viktimave.

Mbi 2700 persona kanë humbur jetën deri më tani, sipas raportimeve zyrtare të Izraelit dhe të ministrisë së Shëndetësisë së Palestinës.

Konkretisht, nga sulmet e Hamasit janë vrarë me shumë se 1300 persona, ndërsa nga kundërpërgjigjja e Izraelit kanë humbur jetën në Gaza më shumë se 1400 njerëz.

Nënkoloneli izraelit Jonathan Conricus deklaroi se gjithashtu janë plagosur më shumë se 3 mijë njerëz.

Shumica e viktimave të konfirmuara nga Izraeli u vranë brenda një dite të vetme, kur luftëtarët e Hamasit depërtuan kufirin dhe sulmuan civilët. 

Në kundërsulm, Izraeli thotë se ka hedhur 6 mijë bomba, me peshë 4 mijë tonë, në objektivat e Hamasit në Gaza gjatë gjashtë ditëve.

Sulmet ajrore kanë goditur më shumë se 3600 objektiva, duke bërë që lagjet të kthehen në rrënoja.

Sipas OKB-së, bombardimet izraelite kanë shkatërruar njëmbëdhjetë xhami, kanë dëmtuar 90 shkolla, kanë shkatërruar qindra ndërtesa banimi e kanë dëmtuar mijëra të tjera./ CNA





Lajmet e fundit nga