web counter
LEXO PA REKLAMA!

SHKARKO APP

App Store
Google Play

E fundit!

x

Blinken i drejtohet popullit izraelit: Hamasi kërkon t'ju shkatërrojë, por keni mbështetjen tonë

12 Tetor 2023, 13:26, Kosova & Bota CNA

Blinken i drejtohet popullit izraelit: Hamasi kërkon t'ju

Sekretari Amerikan i Shtetit, Anthony Blinken gjatë fjalës së tij në Konferencën e përbashkët me kryeministrin Benjamin Netanyahu tha se Izraeli ndodhet në një moment tepër të vështirë. 

“Është e pamundur që unë të shikoj fotot e fëmijëve të vrarë dhe të mos mendoj për fëmijët e mi. Fëmijët e vrarë, trupat e përdhosur, të rinjtë e djegur të gjallë, gratë e dhunuara, prindërit e ekzekutuar në sy të fëmijëve, fëmijët në sy të prindërve. Si mund ta kuptojmë këtë?", u shpreh Blinken. 

Ai vlerësoi gjithashtu guximin e qytetarëve izraelitë në përballjen me grupet e Hamasit. 

"Mesazhi që unë i sjell Izraelit është ky - ju mund të jeni mjaftueshëm të fortë për të mbrojtur veten tuaj, por për sa kohë që Amerika ekziston, ne do jemi pranë jush", tha ai.

Kryediplomati amerikan tha më tej se Hamasi kërkon të shkatërrojë Izraelin, por kjo gjë nuk do të ndodhë, pasi izraelitët kanë edhe mbështetjen e SHBA-së. 

"Kushdo që dëshiron paqe dhe drejtësi duhet të dënojë sundimin e terrorit të Hamasit. Hamasi ka vetëm një agjendë - të shkatërrojë Izraelin dhe të vrasë hebrenjtë", u shpreh ai./CNA

 

 

 





Lajmet e fundit nga