web counter
LEXO PA REKLAMA!

SHKARKO APP

App Store
Google Play

E fundit!

x

FOTO/ Rama e quan mik, por kur Kurti vjen në Tiranë i qëndron larg

13 Tetor 2023, 09:05, Politikë CNA

FOTO/ Rama e quan mik, por kur Kurti vjen në Tiranë i qëndron

Kryeministri Edi Rama nuk hezitoi që mesditën e djeshme ta quante Albin Kurtin një mik të tij, madje tha se ka një dëshirë të jashtëzakonshme për të bashkëbiseduar me të. 

Rama theksoi se kanë botëkuptime të ndryshme për disa çështje, por mes tyre nuk ka pasur një zënkë apo përplasje personale. 

"Unë Albin Kurtin e kam mik më shumë se Ramush Haradinajn, me të cilin në një segment të caktuar të këtij rrugëtimi jam gjendur në një konflikt personal kur ai ishte kryeministër. Me Kurtin nuk kam pasur kurrë asnjë problem personal, madje në nivelin personal e kam kënaqësi të komunikonj me të. Por me kryeministrin aktual të Kosovës ka divergjenca botëkuptimore mbi mënyrën se si arrihet te qëllimi i përbashkët kombëtar. Pandaj marrëdhënia miqësore nuk më ka penguar as sot, do t'i shpreh divergjencat se jam kryeministri i Shqipërisë", u shpreh Rama.

Por, mesa duket realiteti tregon të kundërtën, Rama flet për miqësi me Kurtin, por kur ky i fundit vjen në Tiranë, qëndrojnë larg njëri-tjetrit. 

Mbrëmë, ndeshjen e Kombëtares shqiptare me Çekinë, Rama dhe Kurti nuk e ndoqën bashkë, por të ndarë, edhe pse ishin në stadiumin "Air Albania".

FOTO/ Rama e quan mik, por kur Kurti vjen në Tiranë i qëndron
Albin Kurti në stadium

Por, duhet të themi që Rama Kurtin nuk e kishte lënë vetë, pasi i kishte dërguar Belinda Ballukun që t'i bënte shoqëri. Pranë Kurtit ishte edhe djali i Adem Jasharit, Lulzim Jashari.

FOTO/ Rama e quan mik, por kur Kurti vjen në Tiranë i qëndron
Edi Rama në stadium

Ndërsa Rama ishte i shoqeruar nga bashkëshortja e tij Linda Rama dhe djali Zaho. Ai ishte ulur pranë me Ministrin e Brendshëm, Taulant Balla dhe kreun e FSHF-së, Armand Duka./CNA

 

 





Lajmet e fundit nga