E fundit!

09:35 Opinione Bujar Leskaj

Bojkoti është gjithnjë gabim

Bojkoti i djeshëm nga Partia Demokratike i seancës plenare...

Vokshi nxjerr dokumentet/ Qeveria 3-fishoi kostot e studimeve për mjekësi për të arritur qëllimet e saj

14 Tetor 2023, 14:17, Politikë CNA

Vokshi nxjerr dokumentet/ Qeveria 3-fishoi kostot e studimeve për

Deputetja e PD-së, Albana Vokshi

Deputetja e PD-së, Albana Vokshi, hodhi këtë të shtunë akuza ndaj Qeverisë në lidhje me ligjin që detyron studentët të punojnë 5 vite në Shqipëri pas përfundimit të studimeve, duke u mbajtur peng diplomën.

Në një deklaratë për shtyp, Vokshi tha se për të justifikuar këtë ligj, kryeministri Edi Rama fryu kostot e studentëve.

“Në vitin 2019, Universiteti i Mjekësisë e ka përllogaritur koston e studimit në programin e Mjekësisë së përgjithshme me vlerën 236.468 lekë/vit.

Kjo vlerë është dërguar me shkresë zyrtare nga Universiteti i Mjekësisë si përgjigje ndaj Qëndresës Qytetare (shkresa numër protokolli 2206/1, datë 17.07.2023), pra katër ditë përpara miratimit të ligjit famëkeq që merr peng diplomat e studentëve të Mjekësisë. (Bashkangjitur shkresa).

Vokshi nxjerr dokumentet/ Qeveria 3-fishoi kostot e studimeve për

Ndërkohë, në relacionin e përgatitur në Parlamentin e Shqipërisë citohet se “Sipas informacionit të përcjellë nga Universiteti i Mjekësisë, Tiranë, kostoja e studimit për programin e integruar të studimit në “Mjekësi e Përgjithshme” është 678.994 lekë/vit”.”, u shpreh ajo.

Deputetja demokrate ngriti pretendimet se kostot janë trefishuar në mënyrë të qëllimshme nga mazhoranca socialiste për të arritur qëllimet e saj.

“Në vendimet e datave 6 dhe 9 tetor 2023, të Senatit dhe Bordit Administrativ të Unuversitetit të Mjekësisë, kostoja e miratuar është 248.975 lekë/vit. Siç duket qartë, shuma e re e pas katër viteve është e përafërt; me një ndryshim prej vetëm 12 mijë lekësh. Edhe pse Ministrja e Shëndetësisë ka ushtruar presion për rritjen e kostove, Bordi ka refuzuar.

Vokshi nxjerr dokumentet/ Qeveria 3-fishoi kostot e studimeve për

dhe joligjore, të ndërhyjnë marrin vendime për miratimin e ligjeve me mashtrime, pa analiza e kosto reale, por vetëm me urdhër të Edi Ramës, duke tentuar të caktojnë edhe vendin e punës së studentëve të mjekësisë duke ju mbajtur peng diplomat 5 vjet.

Kjo bëhej vetëm në kohët kur Parlamenti i Shqipërisë quhej Kuvendi Popullor, dhe ishte nën urdhrat e Enver Hoxhës.

Për dijeni të publikut, neni 4 i ligjit të miratuar nga deputetët e Edi Ramës, parashikon se studentët e vitit të parë duhet të nënshkruajnë kontratën përpara datës së testimit të informatizuar në QSHA, pra që në gusht. Faktikisht, ata ende nuk e kanë marrë kontratën, duke qenë se vlera është miratuar vetëm në tetor 2023.

Vendimi Nr. 527, dt 7.9.2023 në pikën 6 përcakton që kosto duhej përllogaritur para fillimit të vitit akademik.

Kjo e bën të pavlefshëm zbatimin e ligjit për të gjithë studentët aktualë të programit Mjekësi e Përgjithshme, që nga viti i parë e deri në vitin e fundit. Praktikisht ligji ka rënë!!”, vijoi më tej Vokshi.

Ajo theksoi se opozita do të kërkojë dëgjesë në Komisionet parlamentare me ministren e arsimit dhe shëndetësisë dhe do të ankimojë ligjin në Gjykatën Kushtetuese./ CNA