web counter
LEXO PA REKLAMA!

SHKARKO APP

App Store
Google Play

E fundit!

x

DETAJE nga Samiti i Berlinit/ Macron-it i akordohet titulli i veçantë, liderët e Evropës do të mbajnë fjalime

16 Tetor 2023, 09:55, Politikë CNA
DETAJE nga Samiti i Berlinit/ Macron-it i akordohet titulli i
Emmanuel Macron

Ditën e sotme pritet të zhvillohet Samiti i Procesit të Berlinit, gjë që shënon herën e parë që një samit i tillë mbahet jashtë kufijve politikë të BE-së.

Samiti pritet të nisë në orën 11:00, kur kryeministri Edi Rama do të presë liderët që do të marrin pjesë në samit.

Mësohet se pas ceremonisë së pritjes, kryeministri Rama, kancelari gjerman Olaf Scholz, Presidentja e KE Ursula von der Leyen dhe Presidenti i Këshillit të Evropës Charles Michel, do të mbajnë një fjalim përshëndetës para nisjes së punimeve.

Sa i përket mungesës së Presidentit të Francës, Emanuel Macron, u zbulua se ky i fundit do të mungojë në punimet e samitit për shkak të një ngjarjeje të rëndë në Francë, që e ka detyruar të shtyjë vizitën e tij në Shqipëri me disa orë.

Macron pritet të mbërrijë në Shqipëri rreth pasdites, ku do të zhvillojë një takim zyrtar me kryeministrin Rama, i cili do t’i akordojë edhe një titull në nderim për aktet e tij për Shqipërinë.

Sakaq, në takimin e sotëm nuk do të jetë i pranishëm Presidenti i Serbisë, Aleksandër Vuçiç, por kryeministrja Ana Brnabiç. 

Ndërkohë presidenti i Serbisë, Aleksandër Vuçiç po udhëton drejt Kinës, ku do të marrë pjesë në forumin e tretë “Belt and Road”. Në këtë forum do të jetë i pranishëm edhe presidenti i Rusisë, Vladimir Putin./CNA

 

 





Lajmet e fundit nga