web counter
LEXO PA REKLAMA!

SHKARKO APP

App Store
Google Play

E fundit!

x

Rrëmuja që krijon vendimi i gjykatës/ Paralajmëron Topalli: Mund të sjellë përplasje të pakontrolluara

3 Mars 2023, 21:39, Politikë CNA
Rrëmuja që krijon vendimi i gjykatës/ Paralajmëron Topalli:
Anëtarja e Kryesisë së Partisë Demokratike, Jozefina Topalli

Anëtarja e Kryesisë së Partisë Demokratike, Jozefina Topalli ka reaguar ashpër pas vendimit të Gjykatës së Apelit për çështjen e vulës së PD-së.

Me anë të një statusi në rrjetet sociale, Topalli thotë se nga sot kryetarët e partive i cakton kryeministri Edi Rama përmes vendimeve të gjykatave të tij.

Ajo thekson se dhuna brutale e vendimit të tre gjykatësve qafëpërkulur ka vënë në pikëpyetje çdo gjë që kemi arritur në këta 3 dekada.

Gjithashtu, anëtarja e Kryesisë së PD-së paralajmëron se këta veprime që mund të çojnë në përplasje të pakontrolluara të njerëzve.

“Nga sot, kryetarët e partive i cakton kryetari i Qeverisë përmes vendimeve të Gjykatave të tij.

Vendimi i sotëm është vendimi më i zi politik, i marrë nën petkun e drejtësisë, i ngjashëm në thelb me vendimin e gjykatës në vitin 1946, që vendosi pushkatimin e deputetëve të opozitës.

Presioni i pushtetit mbi Gjykatën edhe brenda sallës është provokimi më i rëndë i një opozite që përpiqet të ruajë pluralizmin në kushte shumë komplekse.

Nga sot, opozitën e emëron qeveria.

Praktikisht, sot sistemi i pluralizmit është ne udhëkryqin e vet më të rrezikshëm.

Dhuna brutale e vendimit të çmendur të tre gjykatësve qafëpërkulur ka vënë në pikëpyetje çdo gjë që kemi arritur në këta 3 dekada.

Vendimi në fakt ishte paralajmëruar nga pushteti në qeveri dhe Parlament, për turpin e tyre e të atyre që marrin përsipër këta veprime që mund të çojnë në përplasje të pakontrolluara të njerëzve.

Nga sot, pluralizmi shqiptar rrezikon ekzistencën”, shkruan ajo. CNA.al

Rrëmuja që krijon vendimi i gjykatës/ Paralajmëron Topalli:





Lajmet e fundit nga