web counter
LEXO PA REKLAMA!

SHKARKO APP

App Store
Google Play

Rikualifikimi i Pallatit të Kongreseve/ Rama: Ndërtesa ka probleme serioze, nevojë për transformim

2 Qershor 2026, 09:05, Politikë CNA

Kryeministri Edi Rama, i pranishëm në Konkursin Ndërkombëtar për Rikualifikimin e Pallatit të Kongreseve, ku 5 skuadrat finaliste prezantojnë përpara jurisë projekt-idetë e tyre arkitekturore.

Në fjalën e tij, Rama theksoi se bëhet fjalë për vënien në dispozicion të pronave shtetërore për t’u kthyer në funksion të nevojave publike.

Rikualifikimi i Pallatit të Kongreseve/ Rama: Ndërtesa ka probleme

Sipas Ramës, ndërtesa e Pallatit të Kongreseve ka probleme serioze dhe tanimë nevojitet një transformim, jo vetëm për të ruajtur identitetin e saj, por edhe për ta riorganizuar dhe riangazhuar në mënyrë që të kthehet në një destinacion tjetër turistik për kryeqytetin.

 “Ka qenë një pjesëmarrje e konsiderueshme dhe një vendim jo i lehtë për të përzgjedhur 5 finalistët. Sot që flasim, bashkë me këtë konkurs, jemi në 15 konkurse të realizuara ndërkombëtarisht, kemi 3 konkurse që janë duke u përgatitur. Të gjitha janë të standardeve më të larta, jo vetëm për nga pjesëmarrja e arkitektëve ndër më të mirënjohurit të botës së sotme, dhe as vetëm për nga përbërja e jurive, por edhe për nga procedurat e ndjekura. Janë aktualisht 12 kontrata të lidhura, 7 të tjera në proces, 3 masterplane, 20 objekte publike për zhvillim. Duke vënë në dispozicion prona shtetërore në nevojë për zhvillim, të merret mbrapsht përfitueshmëria e lartë financiare, në funksion të nevojave të funksioneve publike. Sipërfaqja e tokës është 46.700 metra katrorë. Pallati i ri i Kongreseve ka rezistuar në 40 vite nga pikëpamja e infrastrukturës. Ndërtesa ka probleme serioze. Duhet transformim duke ruajtur identitetin e saj, përmes zhvillimit të një objekti që ky pallat të vijë në kohë nga pikëpamja e teknologjisë, hapësirave dhe strukturës së riorganizuar dhe riangazhuar cilësisht, por edhe që ky pallat dhe kjo zonë të bëhen një destinacion tjetër i Tiranës turistike”,-tha Rama./CNA





Lajmet e fundit nga