E fundit!

19:11 Aktualitet

Sot protesta e 47-të kundër qeverisë/ Qytetarët mblidhen në sheshin “Skënderbej”

Këtë të enjte po mbahet në Tiranë protesta qytetare e 47-t...

Fjalimi i Ramës për Zvërnecin/ Këlliçi: Bëri viktimën dhe të përulurin

1 Qershor 2026, 13:07, Politikë CNA

Fjalimi i Ramës për Zvërnecin/ Këlliçi: Bëri

Deputeti i Partisë Demokratike, Belind Këlliçi, me anë të një postimi në rrjetet sociale, ka reaguar pas fjalimit të kryeministrit Edi Rama të mbajtur sot për çështjen e Zvërnecit.

Këlliçi shkruan se Ramën nuk e shpëton dot fakti që ia la fajin rojes së sigurisë, pasi është ai vetë dhunuesi dhe plaçkitësi i këtij vendi.

Deputeti thotë se me siguri Rama kishte planifikuar një tjetër fjalim, por kur pa se protesta i shkoi te zyra e ndryshoi fjalimin. Këlliçi shkruan se Rama u hoq si dikush që nuk është duke bërë si viktimë dhe i përulur, por pa dhënë shpjegime. Më tej, deputeti demokrat tha se Rama nuk do të bëjë kurrë transparencë.

Reagimi i Këlliçit

Edi Rama, nuk të shpëton dot roja i sigurisë, je ti dhunuesi e plaçkitësi i këtij vendi!
Vetëm një politikan i korruptuar dhe një qënie pa moral e virtyt, mund të bëjë atë që bëri sot Edi Rama.
Me siguri, ai kishte planifikuar një tjetër fjalim, atë që bën zakonisht ku shan, dhunon e mallkon këdo që nuk është në klanin e tij. Por kur protesta dhe revolta i shkoi tek zyra, e grisi dhe sot mbajti një tjetër fjalim, atë që mban vetëm kur kërkon të ruajë pushtetin e lëkurën e tij.

Bëri viktimën dhe të përulurin, bëri atë që nuk është dhe dha shpjegime të gjëra e të gjata për Zvërnecin.
Po si ka mundësi që ai nuk bëri transparencë më parë, kur njerëzit dhe mediat ja kërkonin?!
Pse i shpërfilli ai të gjithë dhe e trajtoi si çështjen e tij personale deri dje pasdite?!

Pra Edi Rama edhe një herë tregoi se shpjegimi, transparenca, llogaridhënia, nuk janë zgjedhja e tij. Ai e bën këtë vetëm kur është i detyruar. Vetëm kur vihet në rrezik karrikja e tij.
Vetëm atëherë dhe prapë duke fshehur të vërtetën e madhe të asaj që ndodhi në Zvërnec. Se dhunuesi i qytetarëve aty nuk është një polic privat që po shihet me dëshpërim nga qeveria e kreu i saj si komardare shpëtimi.

Dhunuesi aty është Edi Rama.

Sepse ai është frymëzuesi i arrogancës, i goditjes së njerëzve.
Sepse Edi Rama është rreshtuar që në fillim me oligarkët e të fortët kundër interesit publik. Sepse tek Edi Rama, kriminelët dhe bandat e këtij vendi kanë gjetur partnerin me të cilin kanë dhe koordinator.
Pra nuk është aspak rastësi, apo incident ajo që ndodhi në Zvërnec dhe solli revoltë. Eshtë efekt i qeverisjes shtypëse të një kryeministri të korruptuar në palcë!
Një dhunë e tillë ndodh sot kudo në Shqipëri ku qytetarët shkelen me këmbë, nuk gjejnë të drejtën, sorollaten e fyhen nga njerëzit që kanë pushtetin.
Me aplogjinë e gjatë ku bëri sërish viktimën, Edi Rama vetëm i ka ftuar protestuesit të jenë më të shumtë sot pasdite dhe jo siç e ka menduar se duke nxjerrë një fytyrë që nuk e ka, do t’i mashtrojë të rinjtë e të rejat, do t’u hedhë hi syve.
Në mbyllje po të bëj një pyetje Edi Rama!
A i the të gjitha të vërtetat për Zvërnecin?!
Ti nuk do bësh kurrë transparencë, se ajo dihet.
Transparencën e munguar do e bëjmë ne!
Shihemi sot në Kuvend