web counter
LEXO PA REKLAMA!

SHKARKO APP

App Store
Google Play

Edmond Spaho: “Haxhiqamilët” shqiptarë pengojnë zhvillimin e turizmit

1 Qershor 2026, 12:13, Politikë CNA

Edmond Spaho: “Haxhiqamilët” shqiptarë pengojnë

Ish-deputeti Edmond Spaho ka reaguar sot lidhur me trazirat e së shtunës në Zvërnec.

Siç shprehet Spaho përmes një postimi në rrjetet sociale, për të penguar investime si në rastin e projektit në Sazan apo Zvërnec, po përdoren “haxhiqamilistët” shqiptarë të mjedisit dhe e ashtuquajtura shoqëria civile e shitshme shqiptare.

Spaho thekson se këto grupime nuk ngrihen asnjëherë për plehrat që po ‘mbysin’ Tiranën dhe as për shkatërrimin e bregdetit, por përdoren si kavje eksperimentale nga partitë politike.

“Prapa betejes per "pronat" apo "mbrojtjen e mjedisit" fshihet beteja e vertete nese duhet te zhvilloje Shqiperia turizem elitar apo ai duhet te jete domain i fqinjeve.

Per te penguar investime te tilla si ne Sazan apo Zvernec perdoren haxhiqamilistet shqiptare te mjedisit dhe e ashtuquajtura shoqeria civile e shitshme shqiptare.

Keta palaco shoqerore nuk ngrihen ndonje here per plehrat qe po mbysin Tiranen dhe shtepite e tyre por shqetesohen per mjedisin ne Zvernec. Keta palaco nuk u ngriten ndonjehere per shkaterrimin e bregut te jugut me ndertime masive por ngrihen sapo fillon nje investim i cili ne thelb dhe ne interesin e tij ka mbrojtjen e mjedisit pasi ndryshe projekti deshton qe ne fillim.

Keta palaco te paguar nuk u ngriten per baterdine dhe turizmin masiv qe u ngrit e vazhdon te ngrihet ne Golem por jane gati te djegin Tiranen qe asnje investim ne turizmin elitar te mos realizohet.

Keta haxhiqamiliste nuk ngrihen kur ju masakrohen te drejtat e tyre themelore, kur partite politike i perdorin si kavje eksperimentale por jane gati te ngrihen per gjoja "prishjen" e natyres ne Zvernec.

Deshira e tyre eshte qe ne kete vend te mos kete kurre investime te medha dhe serioze, investime qe ta vene Shqiperine ne harten e turizmit te larte duke ju zvogeluar fqinjeve te ardhurat e cmueshme.

Po cfare kuptimi kane lumenjte tane te eger, brigjet detare te virgjera, ishulli i Sazanit, Karaburuni, Zverneci, Porto Palermo nese ato nuk zhvillohen ne menyre te qendrueshme?

Te virgjera keto pasuri i patem ne kohen e Enverit dhe dihet si perfunduam, me te varferit e Evropes por me natyre te paprekur.

Kjo eshte as me pak e as me shume vec se te dhjere por me koken lart.

Update:

Po shoh protesten ne Tirane per ceshtjen e Zvernecit. Pjesmarrje shume me e organizuar dhe me e larte se protestat e opozites. Protestojne shqiptaret qe nuk protestojne kurre.

Po me kujton protestat per armet kimike ku mesuesit nxirrnin gjimnazistet e Tiranes me urdher ne proteste.

A mos valle po fillojne te njejtat lojra? Protestuesit mund te shkojne edhe tek Ambasada Amerikane te protestojne sikurse bene per armet kimike. Ku do dale tymi?

Jam kurioz si do perdridhet neser Rama”,-shkruan Spaho./CNA

 





Lajmet e fundit nga