web counter
LEXO PA REKLAMA!

SHKARKO APP

App Store
Google Play

"PD mbështet fuqimisht investimet e huaja"/ Berisha flet për Zvërnecin

1 Qershor 2026, 12:43, Politikë CNA

"PD mbështet fuqimisht investimet e huaja"/ Berisha flet për

Kreu i Partisë Demokratike, Sali Berisha, në një dalje mediatike ditën e sotme ka “thyer” heshtjen për çështjen e Zvërnecit.

Berisha tha se dënon aktin e dhunës ndaj protestuesit, veprim që e quajti rrëmbim në duart e policisë.

Sa i përket projektit, Berisha tha nuk ka asnjë të dhënë për atë projekt, por PD mbështet fuqimisht investimet e huaja.

 

 

“Në qoftë se është fjala për dhunën e ushtruar ndaj protestuesit, e dënoj atë. Ai ishte rrëmbim, në duart e policisë, dhe e dënoj atë si një akt të shëmtuar të policisë së shtetit. Një.

Së dyti, nuk kam asnjë faqe, asnjë fletë, asnjë gjë të atij projekti. Megjithëse t'ju them këtu, i kam ndjekur me shumë interes të gjitha publikimet që janë bërë.

Së treti, meqenëse e doni këtu, Partia Demokratike është parti që mbështet fuqimisht investimet e huaja. Dhe kjo parti në pushtet, ja këtë tani ju kërkoj ta mbani shënim, ka pasur një ligj. Një ligj i cili zgjidhte në mënyrë të plotë dhe totale çështjen e pronësisë.

Cili ishte ligji? Ligji thotë këtë: në rast se qeveria miraton një projekt të një investitori të huaj, i cili është bazuar në dokumente origjinale shtetërore pronësie, kadastre, dokumente origjinale, çdo problem që lind pas miratimit të qeverisë, qeveria i përgjigjet palës me çmimin e tregut. Ja u them këtu, pse u vu ky ligj?

U vu ky ligj sepse konstatoja që me investitorë shqiptarë nuk ndodhte, kurse me investitorë të huaj vraponin pas pengmarrjes. Dhe informacionet që më vinin, dilte njëri e i thoshte jo, do paguash kaq se jam unë kaq. Dhe kjo linte vendin pa investime. Atëherë ne ç'bëmë?

Në qoftë se ti dje, nuk jam unë ai që them se s'di ç'janë dokumentet, por që është dokument shtetëror, do t'i dalë zot dhe do mbajë përgjegjësi. Do t'i dalë zot dhe do të mbajë përgjegjësi shteti”, tha Berisha.





Lajmet e fundit nga