web counter
LEXO PA REKLAMA!

SHKARKO APP

App Store
Google Play

E fundit!

x

Reagimet e Marta Kos dhe Ramës ndaj akuzave të kreut të PD-së/ Berisha: Do ta rikonsideroj qëndrimin tim

6 Nëntor 2025, 21:20, Politikë CNA

Reagimet e Marta Kos dhe Ramës ndaj akuzave të kreut të

Kreu i PD-së, Sali Berisha në një prononcim për mediat ka folur sërish për deklaratat ndaj Ambasadorit të BE-së Silvio Gonzato dhe reagimet e Komisioneres për Zgjerimin e BE-së Marta Kos.

Ai u shpreh se ka përdorur deklaratën e bërë vetë publike nga ambasadori në lidhje me orientimin e tij seksual dhe nuk është fyerje.

Gjithsesi, kreu i PD-së u shpreh se do ta rikonsideronte qëndrimin e tij.

“Gjëja më e thjeshtë për mua është të kërkoj falje. Por nëse ambasadori Gonzato, në një deklaratë të bërë publike vetë se kam qenë i martuar dhe djalin e vogël e kam 31 vjeç dhe tani jetoj me një partner ose jam i martuar me një burrë dhe kjo deklaratë u përdor nga unë, në mënyrë absolute pa asnjë intencion fyerje. Unë jam autor i një ligji që i ka dhënë fund në mënyrë përfundimtare çdo forme diskriminimi. Thashë këtu që vetë ka qenë binar dhe pastaj ka ndryshuar mendje. Nuk kisha bërë asnjë hetim në jetën e tij. As merrem me jetën e asnjë njeriu.E dëgjova, tha vetë dhe ka bërë këtë deklaratë. Se si qenka fyerje kjo unë këtë nuk e konceptoj. Kam përdorur një deklaratë, një gjë që e kam thënë vetë. Nëse ai e konsideron këtë fyerje atëherë unë sigurisht do ta rikonsideroj qëndrimin tim, i kërkoj falje, nuk kam asnjë hezitim, por nuk ishte për fyerje kjo. Nuk përbën fyerje kjo”, tha Berisha./ CNA





Lajmet e fundit nga