web counter
LEXO PA REKLAMA!

SHKARKO APP

App Store
Google Play

Rama për arkitektët: Mosnjoftimi për deformimet nga ndërtuesit, do të konsiderohet vepër penale

9 Shtator 2025, 13:50, Politikë CNA

Rama për arkitektët: Mosnjoftimi për deformimet nga

Kryeministri Edi Rama në prezantimin e masave për mbrojtjen e territorit ka thënë se është e rëndësishme të bllokohet i gjithë zinxhiri i ndërtimeve pa leje.

Rama deklaroi se ndërtuesit nuk veprojnë të vetëm, por janë në bashkëpunim me arkitektët, të cilët pranojnë deformimet dhe nuk njoftojnë autoritetin përkatës.

Ky mosnjoftim i autoritetit, Rama tha se do të konsiderohet vepër penale dhe arkitekti do të humbasë gjithçka.

Më tej, kryeministri tha se nuk mund t’u lihen gjeneratave godina të deformuara nga shija vulgare e atyre personave që shohin vetëm metrat katrorë dhe sipas kryeministrit numërojnë më shumë vetura se palë çorapesh.

“Nga ana tjetër është e rëndësishme që të bllokohet zinxhiri sepse ndërtuesit nuk operojnë në vetmi, operojnë me arkitektët, të cilët pranojnë deformimet dhe nuk njoftojnë autoritetin përkatës shtetëror siç ndodh në gjithë botën. Ky mosnjoftim do të konsiderohet vepër penale, pjesëmarrje në një vepër penale dhe natyrisht që arkitekti do të humbasë gjithçka. Sepse nëse një arkitekt pranon deformimin e projektit, nuk është një pikturë që pranon të vijë dikush e të fusë duart se në fund të ditës mbetet një pikturë, por është një pasuri të cilën e kanë blerë të tjerët. Dhe këtu nuk është çështje as thjesht dhe vetëm pasojash imediate, është çështje pasojash në gjenerata sepse nuk mund t’u lëmë gjeneratave godina të deformuara nga shija vulgare e atyre që numërojnë vetëm metra katrorë, që kanë më shumë vetura se çorape. Njerëzit nuk vishen thjesht sepse mbrohen nga i ftohti, njeriu përpiqet të vishet sa më me shije. Si mund t’i veshim godinat e qytetit si zhele? Si mundet që fasadat e projektuara nga arkitektët të transformohen në fasada të bëra shkel e shko nga ndërtues që nuk dallojnë më shumë se 4 ngjyra? Është e patolerueshme. Në çdo fazë të projektit kjo nuk do të lejohet”, u shpreh kryeministri Edi Rama./ CNA





Lajmet e fundit nga