web counter
LEXO PA REKLAMA!

SHKARKO APP

App Store
Google Play

E fundit!

x

Masat për mbrojtjen e territorit/ Manja: Punimet pa leje apo në tejkalim konfiskohen ose shemben

9 Shtator 2025, 12:54, Politikë CNA

Masat për mbrojtjen e territorit/ Manja: Punimet pa leje apo në

Ministri i Drejtësisë, Ulsi Manja, ka qenë i pranishëm në prezantimin e paketës së masave ligjore për mbrojtjen e pronës dhe territorit.

Manja tha se mbrojtja e territorit është një çështje kombëtare dhe do të jetë një nga shtyllat kryesore të mandatit të ardhshëm të socialistëve. Ministri tha se reforma e mbrojtjes së territorit paraqitet si një domosdoshmëri urgjente. Gjatë fjalës së mbajtur, Manja prezantoi masat e marra për mbrojtjen e territorit. Synimi i kësaj pakete, Manja tha se është të garantojë siguri ndaj qytetarit dhe ndërtuesit, të mbrojë tokën dhe territorin, si dhe të ndalojë ndërtimet pa leje.

Një nga risitë e kësaj pakete, Manja njoftoi se do të jetë inventarizimi i hapësirave publike nga institucionet e pushtetit lokal. Ministri deklaroi se punimet pa leje apo me tejkalim të lejes do të konfiskohen apo dhe do të shemben nga shteti.

“Mbrojtja e territorit për ne është çështje kombëtare. Mbrotja e tyre, shtylla kryesore e mandatit në 4 vitet që vijnë. Reforma e mbrojtjes së territorit paraqet një domosdoshmëri urgjente, për shkak dhe të ndërtimeve pa leje apo abuzimet me hapësirat publike. Kjo paketë nuk është vetëm një ndërhyrje ligjore, por një hap drejt një modeli të ri zhvillimi. Garanton siguri juridike ndaj qytetarëve dhe ndërtuesve dhe mbrojtje të trashëgimisë urbane. Kjo paketë synon mbrojtjen e tokës dhe territorit nëpërmjent masave administrative dhe penale, që vijnë si nevojë e ndryshimeve që kemi bërë me paketën e masave. Paketa synon të ndalojë ndërtimet pa leje, fillon që në fazat e para të ndërtimit dhe deri kur projekti dorëzohet me dokumente. Të kthejë hapësirat publike në funksion të qytetarit. Të nxisë turizmin dhe ekonominë e gjelbër. Ndalimin e abuzimeve me mosrespektimin e projekteve arkitektonike dhe rritjen e përgjegjësisë së profesionistëve zbatues. Është parashikuar ndërhyrja në disa nga ligjet kryesore në lidhje me planifikimin e zhvillimit të territorit.

Ligji vendos një rregull të qartë për mbrojtjen e territorit. Risi inventarizimi i hapësirave publike nga qeverisja lokale. Ndalimi i zënies nga subjekte pa leje nga autoritetet. Punimet pa leje sot janë të dënueshme edhe nga Kodi Penal. Por ndryshimet që paraqesin punimet pa leje apo në tejkalim të lejes pa qëllim fitimi, konfiskohen”, u shpreh Manja./ CNA





Lajmet e fundit nga