web counter
LEXO PA REKLAMA!

SHKARKO APP

App Store
Google Play

E fundit!

x

Prezantohen masat ligjore për mbrojtjen e territorit/Rama: Ofensiva për ndërtimet pa leje, gjatë gjithë mandatit

9 Shtator 2025, 12:39, Politikë CNA

Prezantohen masat ligjore për mbrojtjen e territorit/Rama: Ofensiva

Kryeministri Edi Rama ka qenë i pranishëm në prezantimin e paketës së masave ligjore për mbrojtjen e pronës dhe territorit.

Gjatë fjalës së mbajtur, Rama tha se kjo paketë nuk është e përkryer, por do t’i japë mundësi pushtetit të ketë në dorë instrumente të reja për mbrojtjen e territorit.

Kryeministri u shpreh se ofensiva për lirimin e hapësirave publike ndoshta mund të zgjasë dhe gjatë gjithë mandatit.

Më tej Rama deklaroi se që nga nisja e ndërtimeve nga ana e sipërmarrjes së lirë, projektet arkitektonike janë deformuar nga ndërhyrja e ndërtuesve.

“Siç nuk ka asgjë të përkryer, nuk është e tillë as kjo paketë, por është një tërësi masash që do të na japin mundësinë të kemi në dorë instrumente të reja për të mbrojtur territorin, duke nisur që nga suksesi përfundimtar i një ofensive që do të zgjasë mbase edhe gjatë të gjithë mandatit të ri për ndalimin pa kthim të çdo frymëzimi për të ndërtuar pa leje, deri te mbrojtja e autorësisë së projekteve arkitektonike që gjatë të gjithë kësaj kohe, që kur në Shqipëri ka nisur ndërtimi nga sipërmarrja e lirë, janë deformuar dhe përdhunuar në formën e tyre nga ndërhyrja e ndërtuesve.

Kjo i kthen në formale filtrat që vendosen për të garantuar që projekti plotëson standardet dhe një tjetër pasojë e konsiderueshme, mashtrimi që u bëhet blerësve duke u shitur objektin që ka marrë leje me pamjet specifike, ndërsa në fund pamja është si një kushëri i largët që sapo ka dalë i qethur e i rruar nga berberi dhe me trupin e deformuar”, tha Rama./ CNA





Lajmet e fundit nga