web counter
LEXO PA REKLAMA!

SHKARKO APP

App Store
Google Play

Rama në "radar" ministren e Shëndetësisë

24 Korrik 2026, 14:00, Politikë CNA

Rama në "radar" ministren e Shëndetësisë

Kryeministri Edi Rama gjatë mbledhjes së grupit të PS-së dhe qeverisë "ka pushkatuar" ministrat.

Një prej tyre që nuk i shpëtoi syrit kritik të kryeministrit ishte edhe ministrja e Shëndetësisë, Evis Sala.

Sipas Ramës, faktet dhe investimet kanë si kundërshtim përvojën reale të qytetarëve.

“Kur faktet përplasen me përvojën e gjyshes s’mund t’i kërkojmë asaj të ndryshojë përvojat. Duhet të ndryshojmë ne që zëri i saj të dëgjohet, që ajo të shohë se shteti nuk mbaron te mjeku neglizhent. Të gjitha ndryshimet që kemi bërë për Shëndetësinë do të ngelen aty, por ne nuk do të jemi këtu nëse mendojmë se investimet do të ndryshojnë mendimin për ne pa ndryshuar përvojën me shtetin. Abuzimet që zhduken e bëjnë më të padurueshme peshën e abuzimeve që mbeten. Kur fryma e përparimit bëhet e qëndrueshme nga pritshmëritë e qytetarëve nuk ulen, por rriten. Asnjë sukses nuk ul kërkesën, por e rrit.

Ne e nxorëm Shqipërinë nga epoka e mungesës, përballemi me një popull që s'e mat mungesën, por rrit pritshmëritë. Një popull që na kërkon llogari më shumë sesa do të donim ne. Një popull që bezdiset të tregojmë çfarë kemi bërë për të arritur deri këtu.

Populli ka të drejtë. Kush përpiqet të zvogëlojë përmasën e kësaj të drejte që na e tregoi bulevardi i flamingove do të zvogëlohet deri në irrelevancë”, tha Rama./ CNA





Lajmet e fundit nga