web counter
LEXO PA REKLAMA!

SHKARKO APP

App Store
Google Play

E fundit!

x

Paralajmërime për ndryshime në qeveri/ Rama: Zhurmë shumë zhurmë

23 Korrik 2026, 21:45, Aktualitet CNA

Paralajmërime për ndryshime në qeveri/ Rama: Zhurmë

Kryeministri Edi Rama përmes rrjeteve sociale ka publikuar pak nga fjalimi që do të mbajë nesër në mbledhjen e grupit parlamentar të PS dhe qeverisë.

Rama paralajmëron se do të ketë shumë zhurmë.

“MIRMROMA KA TIRONA E KONTRADIKTAVE. Zhurm zhurm shum shum zhurm. Përgatitje me audio live nga bulevardi. Kush ka interes nesër paradite do jem LIVE”, shkruan Rama.

Ndërkohë që CNA ka paralajmëruar përmes një shkrimi ekskluziv se, kryeministri pritet të bëjë disa lëvizje në qeveri, jo vetëm i detyruar nga protestat, por edhe për shkak të disa ministrave që duket se në performancën e tyre në kuadër të integrimit dhe ritmit që kërkon qeveria shqiptare për të realizuar objektivat e anëtarësimit në BE brenda vitit 2030, janë totalisht inekzistentë.

Kjo nuk është mbledhja e parë e këtij lloji, por pritet që nesër të ketë disa lëvizje të forta. Lëvizjet bëhen edhe më të pritshme dhe më të besueshme sipas burimeve për CNA, për shkak se ditën e djeshme është njoftuar nga Kuvendi një tjetër seancë plenare, konkretisht më 30 korrik, ndërsa pritej që seanca e sotme të ishte e fundit e këtij sesioni parlamentar.

Kuvendi njoftoi seancën shtesë dhe bëhet me dije se u është kërkuar deputetëve të mos largohen nga kryeqyteti, çka forcon më shumë faktin se do të ketë lëvizje në qeveri nga kryeministri Edi Rama, të cilat në fundjavë mund të çohen drejt Presidencës, në fillim të javës së ardhshme të dekretohen nga Presidenti Bajram Begaj dhe më pas të mbahet seanca plenare me ndryshimet e reja të kabinetit./ CNA





Lajmet e fundit nga