web counter
LEXO PA REKLAMA!

SHKARKO APP

App Store
Google Play

Rama lëshon Veliajn/ "Ai nuk është më çështja jonë"

2 Qershor 2026, 19:52, Politikë CNA

Kryeministri Edi Rama ka lëshuar Erion Veliaj, kryebashkiakun e arrestuar të Tiranës me 13 akuza për 5 vepra të rënda penale.

Gjatë fjalës së tij në 35-vjetorin e PS-së në Tiranë, Rama teksa foli për reformën në drejtësi u shpreh se Erion Veliaj nuk është më çështje e socialistëve.

“Pikërisht se nuk jemi as të tjerët dhe nuk jemi asnjë nga të tjerët nuk jemi duke kërkuar lirim për të burgosurin politik Erion Veliajn sepse kjo nuk është çështja jonë, sepse në Shqipëri nuk ka të burgosur politik, sepse sado e dhimbshme të jetë mungesa e tij, sado e padrejtë të na duket ne, ne pikërisht se pse jemi këtu për të bërë histori dhe për t’i lënë atyre një Shqipëri tjetër kemi një detyrë të vështirë që Fatos Nano e kreu më së miri duke jo vetëm përballuar burgun dhe duke dale me dorën shtrirë ndaj burgosësit të tij duke përballuar poshtërime të tjera por pa lëshuar asnjëherë pa hapur asnjëherë portat është e vetmja sakrificë reale që politikanët bëjnë kur kanë fuqi sepse lëshojnë pushtet dorëzojnë një shpatë me rrezikun që ajo shpatë t'iu shkojë te koka e tyre me të drejtë apo pa të drejtë por këtu ndahet dhimbja për të vazhduar që ajo ngrehinë e brishtë të ndërtohet pakthim me pafuqinë për të përballuar dhimbjen por njëkohësisht dhe për kthimin mbrapa në histori”, tha Rama.

Erion Veliaj ndodhet në burg që prej 10 shkurtit të vitit 2025 pasi ndaj tij rëndojnë 13 akuza të rënda.

Ndërkohë që vijon me skenarët dhe skemat e tij me sulmet ndaj drejtësisë, prokurorëve dhe gjyqtarëve dhe prej 10 muajsh zvarrit proceset gjyqësore në GJKKO./ CNA





Lajmet e fundit nga