web counter
LEXO PA REKLAMA!

SHKARKO APP

App Store
Google Play

“U ngrit pa vendim qeverie”/ Berisha denoncon kompaninë e re shtetërore

2 Qershor 2026, 13:19, Politikë CNA

“U ngrit pa vendim qeverie”/ Berisha denoncon kompaninë e re

Kryetari i Partisë Demokratike, Sali Berisha, hodhi akuza këtë të martë lidhur me “Albanian Digital Solutions”, kompaninë e re shtetërore që do të zhvillojë dhe mirëmbajë sistemet digjitale të administratës publike.

Në një konferencë me gazetarët, Berisha u shpreh se kjo kompani është ngritur pa vendim qeverie, veç një VKM-je që ka miratuar një fond prej 7 milionë eurosh për funksionimin e saj. 

Sipas kryedemokratit, kjo VKM nuk përcakton objektin e veprimtarisë së kompanisë së re shtetërore, vendim që, sipas tij, është marrë vetëm me qëllim vjedhjen nga qeveria. 

“Denoncoj para shqiptarëve kopshtin e ri privat, minierën e floririt të familjes Rama apo AKSHI-n me një emër të ri, Albanian Digital Solutions. E gjithë mafia e IT e ka në emërtimin e kompanisë fjalën solutions. Të gjitha kompanitë, me solution janë nja 35 kompani.

Për ngritjen e ADS-së, minierës të floririt të Edi Ramës, nuk ka një vendim të Këshillit të Ministrave, i cili do të pasqyronte qartë kompetencat e këtij institucioni. Siç thamë më lart, për ADS-në nuk ka asnjë ligj dhe vendim qeverie që të përcaktojë veprimtarinë e saj.

I vetmi VKM për këtë qëllim është ai i datës 20 maj 2026, i cili flet për miratimin e fondit prej 7 milionë eurosh në favor të ADS. Ky vendim ka ardhur rreth 15 ditë pas regjistrimit të kompanisë shtetërore në QKB.

Pra, ajo që bie në sy është kjo: VKM nuk përcakton objektin e veprimtarisë. Nuk krijon vetë shoqërinë. Nuk miraton statutin. Nuk përcakton kompetencat. Nuk shpjegon marrëdhënien me AKSHI-n. Asgjë! Nuk përcakton modelin e kontrollit, kush do ta kontrollojë, si. Nuk sqaron regjimin e prokurimeve dhe çka është më e rëndësishme nuk shpjegon pse nevojitet kompania. E kuptoni pra që është krijuar një monstër për të vjedhur në mënyrë të pandalshme. E kuptoni, një vendim që nuk flet për asnjë nga këto përcaktime, por vetëm t’i dhurojmë 7 milionë euro”,-tha Berisha./CNA





Lajmet e fundit nga