web counter
LEXO PA REKLAMA!

SHKARKO APP

App Store
Google Play

"Qeveria nuk po shet tokë"/ Rama për "Al Jazeera": Investimi 4 miliardë euro është bekim për vendin

9 Qershor 2026, 10:19, Politikë CNA

"Qeveria nuk po shet tokë"/ Rama për "Al Jazeera":

Kryeministri Edi Rama ka folur për mediat e huaja lidhur me projektin e Zvërnecit dhe protestat që po zhvillohen në vend prej disa ditësh.

Në një intervistë për "Al Jazeera", Rama e përshkroi zhvillimin si një mundësi të madhe investimi, duke hedhur poshtë pretendimet se qeveria po shiste tokë publike. Ndër të tjera e ka cilësuar investimin prej 4 miliardë eurosh si një bekim për vendin.

“Nuk ka qenë kurrë pyetja nëse kjo do të vazhdojë apo jo. Ky është një bekim për vendin. Një investim prej 4 miliardë eurosh në një vend që ka 27 miliardë euro PBB flet vetë. Kur bëhet fjalë për projektin që ka krijuar gjithë këtë zemërim në mbarë botën, bëhet fjalë për pronë private. Nuk bëhet fjalë për tokë publike dhe qeveria shqiptare nuk po shet vendin. Është pronë private. Është një shprehje interesi e bazuar në një marrëveshje midis palëve private në të cilën qeveria shqiptare nuk ka asnjë lidhje”, u shpreh Rama.

Edhe në intervistën për median prestigjioze “Reuters”, Rama u shpreh se investimi në Zvërnec do të jetë një projekt i bukur që do të kontribuojë edhe në Europë.

Me tone të ashpra, Rama i tha medias britanike se nuk është votuar për t’u udhëhequr nga njerëz që kanë një ide ndryshe se si të zhvillohet vendi.

Ndërkohë kujtojmë se prej 9 ditësh radhazi në vend janë zhvilluar protesta kundër qeverisë, ku qytetarët kërkojnë dorëheqjen e kryeministrit Edi Rama. /CNA





Lajmet e fundit nga