E fundit!

11:42 Aktualitet

“Historitë e mesazheve i di ajo”/ Përplasje e fortë mes Metës dhe Kryemadhit në gjyq: Mos u merr me llafe grash

Debate të ashpra kanë ndodhur në sallën e gjyqit mes kreut...

Qeveria miraton zgjatjen e afatit të grantit të BERZH për turizmin dhe infrastrukturën

29 Shtator 2025, 19:19, Politikë CNA

Qeveria miraton zgjatjen e afatit të grantit të BERZH për

Qeveria shqiptare ka miratuar zgjatjen e afatit të një granti të një rëndësie dhe vlere të konsiderueshme të akorduar nga Banka Evropiane për Rindërtim dhe Zhvillim (BERZH). Ky grant synonte mbështetjen e Programit të Mundësimit të Turizmit dhe Infrastrukturës.

Vendimi hyri në fuqi këtë të hënën dhe i hap rrugë përdorimit të fondeve për një periudhë më të gjatë, duke siguruar realizimin e plotë të investimeve të rëndësishme në infrastrukturë dhe zhvillimin e turizmit.

Sipas letrës zyrtare të datës 16 prill 2025, dërguar Ministrit të Financave, Petrit Malaj, nga Drejtuesja e BERZH-it për Shqipërinë, Ekaterina Solovova, Banka ka miratuar zgjatjen e Datës së Disponueshmërisë së Grantit deri më 27 dhjetor 2027.

Kjo zgjatje e afatit vjen pas kërkesës së Qeverisë Shqiptare dhe lidhet me nevojën për më shumë kohë operacionale për zbatimin e projekteve. Grantit origjinal, i miratuar me datë 12.11.2020, i shtohet kështu një tjetër dy vjeçar për të realizuar objektivat./CNA