E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

"Nuk është mall tregtar"/ Zhupa depoziton projektligjin që ndalon koncesionet e trashëgimisë kulturore

29 Shtator 2025, 17:42, Politikë CNA

"Nuk është mall tregtar"/ Zhupa depoziton projektligjin

Deputetja e Partisë Demokratike, Ina Zhupa me anë të një postimi në rrjetet sociale ka deklaruar se ka depozituar në Kuvend një projektligj që ndalon koncesionet në fushën e trashëgimisë kulturore.

Zhupa shkruan se ky projektligj sënon të ndryshjë Ligjin për Trashëgiminë Kulturore, për të cilin deputetja thotë se është hartuar në mospërputhje me Konventën e UNESCO-s.

Më tej, Zhupa shprehet se trashëgimia kulturore është pjesë e identitetit kombëtar dhe jo mall tregtar.

“Sot, në Ditën Kombëtare të Trashëgimisë Kulturore, kam depozituar në Kuvend projektligjin që ndalon koncesionet në fushën e trashëgimisë kulturore.

Ky projektligj synon ndryshimin e ligjit nr. 27/2018, i cili është hartuar në mospërputhje me Konventën e UNESCO-s për Mbrojtjen e Trashëgimisë Botërore Kulturore dhe Natyrore (Paris, 1972). Edhe relacioni shoqërues i vetë Këshillit të Ministrave, në kohën kur ligji u miratua, e pranon këtë devijim.

Me këto ndryshime, ku nenet 171–173 janë riformuluar për të mbyllur çdo hapësirë që lejon dhënien në administrim të trashëgimisë kulturore te privatët, përmes formulave si PPP-të apo koncesionet. Ato do të parashikojnë vetëm mundësinë e dhurimeve apo donacioneve, pa cënuar pronësinë dhe administrimin me dominancë shtetërore.

Trashëgimia jonë kulturore nuk është mall tregtar. Ajo është pjesë e identitetit tonë kombëtar, e historisë dhe shpirtit të këtij vendi, dhe si e tillë, nuk mund të privatizohet në emër të koncesionarëve për interesa ekonomike.

Si Kryetare e Komisionit të Kulturës, mbetem e vendosur të bëj gjithçka që kjo trashëgimi të mbrohet, të lartësohet dhe t’u përcillet brezave të ardhshëm ashtu siç e meriton: e paprekur, dinjitoze dhe frymëzuese”, shkruan Zhupa.