web counter
LEXO PA REKLAMA!

SHKARKO APP

App Store
Google Play

E fundit!

x

“Duhet punë e madhe për të rrëzuar mazhorancën”/ Maliqi: Opozita do të nisë protestat e qëndrueshme

29 Shtator 2025, 18:52, Politikë CNA

“Duhet punë e madhe për të rrëzuar

Anëtari i Partisë së Lirisë, Lefter Maliqi komentoi sot mbi situatën e opozitës në fillim të legjislaturës së re.

Në një dalje televizive, Maliqi tha se PD-së dhe opozitës së bashkuar i duhet një punë e madhe paralele në bazë sepse regjimi i mazhorancës është në aksion.

Maliqi u shpreh se pa organizim, opozita nuk ka fitore as kundër qeverisë dhe as kundër socialistëve në garën për Bashkinë e Tiranës.

“Shqiptarët duhet të dinë se ne jemi republikë parlamentare dhe çdo gjë buron nga Parlamenti. Parlamenti zgjedh kryeministrin dhe organet e drejtësisë edhe SPAK-un. Parlamenti është i kapur që nga momenti kur u lanë mandatet që në kohën e Bashës. Parlamenti është i kapur totalisht dhe është i mbajtur peng edhe nga mazhoranca. Qëllimi i kësaj mazhorance është të mbajë peng opozitën. Qytetarët e dinë se vendi është i shpopulluar, dhe vendet e tjera janë të braktisura .Tirana është e mbushur vetëm me turistë. Jam njeri i terrenit dhe komunikoj me qytetarët. Ne po presim raportin final të zgjedhjeve të 11 majit i cili do të vijë nga data 20 tetor nga OSBE-ODHIR. Të gjithë sytë janë nga opozita. Do të ketë një aksion të opozitës në terren për masakrën e zgjedhjeve të 11 majit.

Opozita e bashkuar po pret brenda 20 tetorit raportin final të OSBE. Pas raportit mendoj që do të ketë një aksion të opozitës dhe analizë të zgjedhjeve. Protesta jo një orë apo 2 orë, por protesta të qëndrueshme vetëm kështu mund ta rrëzojmë mazhorancën.

Shqiptarët  nuk duhet ta hanë këtë propagandë të Rilindjes që opozita nuk ka kandidatë. Ne kemi kandidatë dhe takimet bëhen për të rakorduar emrat. Diskutimet e bredhshme bëhen meqë jemi përballë narkoshtetit dhe PD kërkon edhe mendimin e pjesës tjetër të opozitës që të dalim me një emër të përbashkët. E kam thënë se PD dhe opozitës së bashkuar i duhet një punë e madhe paralele në bazë sepse regjimi është në aksion. Unë jam për zgjedhje të reja në Tiranë pasi është kthyer në një narkoshtet, qeveria është kthyer në një sulltanat. Pa organizim në bazë nuk ka fitore, opozita duhet të ketë analizën”,-tha Maliqi./CNA

 





Lajmet e fundit nga