web counter
LEXO PA REKLAMA!

SHKARKO APP

App Store
Google Play

E fundit!

x

“Do marrim disa emra në shqyrtim”/ Alimehmeti: PD i ka shtrirë dorën partive të vogla për një kandidat për Bashkinë e Tiranës

29 Shtator 2025, 18:03, Politikë CNA

“Do marrim disa emra në shqyrtim”/ Alimehmeti: PD i ka

Demokrati Ilir Alimehmeti komentoi sot lidhur me procesin e zgjedhjes së një kandidati nga opozita për garën në Bashkinë e Tiranës.  

Në një intervistë në A2CNN, Alimehmeti u shpreh se Partia Demokratike i ka shtrirë dorën çdo force politike që e ndjen veten opozitare, për tu takuar qoftë edhe informalisht për të diskutuar mbi mundësinë e bashkëpunimit.

Alimehmeti tha se do të ketë emra nga partitë e vogla që PD-ja do t’i marrë në shqyrtim.

Alimehmeti shtoi se edhe në dakordësim me frontin, opozita synon t’’i japë prioritet një kandidature të mirë e dinjitoze.

“Çdo forcë që ndjen veten opozitare ne i kemi shtrirë dorën, u kemi thënë hajde takohemi qoftë dhe informalisht për të kuptuar nëse ka bazë bashkëpunimi. Ne kemi nevojë t’i nënshtrohemi një procesi pajtimi kombëtar që të kuptojmë që gjërat me njëri-tjetrin janë më të vogla në krahasim me interesin kombëtar. Ky komb po vdes. A po na ikën rinia ne? Po bie numri i lindjeve është një komb që po rrudhet e po plaket.

Është e nevojshme nga kampi opozitar një pajtim kombëtar. Duhet të harrojmë diferencat e fërkimet në të kaluarën përkarshi të keqes që kemi përballë. Kjo është fryma me të cilën shkojmë në këto diskutime; dorë e lirë për propozime nga ana e tyre dhe do të diskutohen. Ne aktualisht po kërkojmë siç po i kërkojmë edhe zotit Shehaj patjetër që edhe mund të propozojë nëse ka disa emra absolutisht po që do të merret në shqyrtim.

Nuk po shkojmë me emrin tonë që të kërkojmë mbështetje, por jemi në ventilim, që do të thotë marrim emra të ndryshëm ka edhe emra nga shoqëria civile, emra dinjitozë që diskutohen kriteret që duhet të jenë opozitarë që kanë qëndruar kundër regjimit për një kauzë civile, person me integritet, duhet të jetë patjetër që të kapërcejë gardhin e partisë dhe të gëzojë mbështetjen e të gjithë frontit opozitar që do krijohet. Në këtë fazë jemi në diskutime formale.

Kjo ka qenë linja e punës, më pas partitë parlamentare opozitare nëse e ndjen veten opozitar ne shtrijmë dorën e bashkëpunimit. Dhe është te zoti Shehaj që ka dy deputetë në parlament dhe pastaj te partitë e tjera dhe më pas edhe në shoqërinë civile. Demokracia është përfaqësim. Shumë shpejt do ta takojmë zotin Shehaj, po të jetë mundësia edhe sot.

Jemi në fazën ku presim propozimet. Nëse vjen një kandidaturë e mirë e dinjitoze nga propozimet përkatëse, ne duam t’i japim prioritet kësaj lloj kandidature”,-tha Alimehmeti./CNA





Lajmet e fundit nga