web counter
LEXO PA REKLAMA!

SHKARKO APP

App Store
Google Play

“Kandidati për Tiranën të jetë intelektual dhe i gjithëpranuar”/ Kalaja kritikon PD-në: I duhet qartësi politike

29 Shtator 2025, 19:04, Politikë CNA

“Kandidati për Tiranën të jetë intelektual dhe i

Ish-kandidati në listën e Durrësit për PD-në, Aulon Kalaja tha sot se opozita duhet ta kishte nxjerrë tanimë emrin e një kandidati për garën për Bashkinë e Tiranës.

Në një dalje televizive, Kalaja u shpreh se zgjidhja më e mirë është që kandidatura të jetë një përson intelektual, me karizën dhe i gjithëpranuar nga opozita.

“Ka një aksion prej 44 javësh me protesta nga opozita dhe me 10 shkurt kemi arrestimin e Veliajt. Opozita nuk duhet të kishte vetëm për detyrë vetëm protestat kundër Veliajt, por duhet të kishte nxjerrë edhe emrin e një kandidati të saj. Mendoj që kandidatura duhet të vijë nga pjesa intelektuale, njerëz që të kenë karizëm dhe mos kenë biznes me qeverinë dhe të jenë njerëz që jetojnë në këtë qytetet, që t’i dijnë hallet dhe problemet e këtij qytetit. Ky njeri që them unë, duhet të marrë veto edhe përtej Partisë Demokratike, nëse opsioni është për me marrë Bashkinë e Tiranës. Unë mendoj që PD është një parti e madhe dhe opsioni është fitorja dhe jo vetëm pjesëmarrja”,-tha Kalaja.

Kalaja bëri edhe një kritikë ndaj Partisë Demokratike, teksa tha se i nevojitet qartësi politike.  

“Kam një kritikë për Partinë Demokratike, duhet ta heqë togfjalëshin që zgjedhje me Edi Ramën nuk ka. Sepse atëherë ne po i bëjmë thirrje njerëzve që mos të dalin të votojnë, sepse nëse nuk ka zgjedhje me Edi Ramën, atëherë pse duhet të votohet? Ne duhet që të jemi më të qartë politikisht”-tha Kalaja./CNA





Lajmet e fundit nga