LEXO PA REKLAMA!

SHKARKO APP

Pse Rama në asamblenë e PS-së i jep udhëzime SPAK-ut?/ Del në skenë Lulzim Basha

22 Shtator 2022, 11:20, Politikë CNA

Pse Rama në asamblenë e PS-së i jep udhëzime SPAK-ut?/ Del

Deputeti i PD-së, Edmond Spaho gjatë seancës plenare në Kuvend ka thënë se SPAK-u po mbahet nën presion nga Qeveria.

Spaho u shpreh se ai që i jep udhëzime SPAK-ut se kë duhet të hetojë është kryeministri Edi Rama duke kujtuar deklaratën e këtij të fundit në asamblenë e Partisë Socialiste.

“Ministër (drejtuar Ulsi Manjas) edhe njëherë dua të pyes, nëse është ashtu si thoni ju pse kryeministri në asamblenë e PS i jep udhëzime sistemit të drejtësisë të hetojë X apo Y. I thotë që pret t’i shohë ata në burg”, u shpreh Spaho.

E menjëhershme ka qenë kundërpërgjigja e Ministrit të Drejtësisë Ulsi Manja, i cili ka kthyer në skenë Lulzim Bashën, duke ju kujtuar kështu demokratëve se i la në humbje.

“Ata që e sulmojnë SPAK-un sot janë nga krahu juaj. Raporti im me drejtësinë është i tillë. Sa herë drejtësia të ketë punë me këtë maxhorancën ne jemi përgjigjur. Ndërsa krahu andej i ka shpëtuar drejtësisë më procedurë dhe raporte mjekësore.

Kur nuk ju vjen mirë e thoni fjalën dhe dilni nga salla se ju vjen orari i gjumit. Gjumi ju mori në qafë ju dhe ju ka sjellë këtu ku jeni. Për drejtësinë ka mbështetje nga maxhoranca sa herë të kërkohet. Kjo është ajo që na takon ne të bëjmë për drejtësinë. Hetimin dhe gjykimin e ka kompetencë të veten drejtësia”, u shpreh Manja./CNA.al

 

 

Lajmet e fundit nga