web counter
LEXO PA REKLAMA!

SHKARKO APP

App Store
Google Play

“PS ka gra në lista sa për numër”/ Zhulali: Gratë në politikën shqiptare kanë evoluar

30 Prill 2025, 22:20, Politikë CNA

“PS ka gra në lista sa për numër”/ Zhulali:
Kandidatja e PD-së në zgjedhjet e 11 majit për Qarkun e Tiranës, Ilda Zhulali komentoi sot mbi përfshirjen e grave në politikën shqiptare. E ftuar në emisionin ‘Log’, Zhulali theksoi se gratë kanë evoluar edhe në politikën në Shqipëri, si në çdo aspekt tjetër të jetës.

“Politika si çdo aspekt tjetër të jetës, ka evoluar. Sot ka më shumë gra në jetën publike, në biznes, në menaxhim, të arsimuara dhe në politikë padyshim. Dhe përfaqësohen në mënyrë cilësore, janë në politikë aktive, përcjellin zërin e gruas. Në PD financimi është njësoj, si për burrat, ashtu edhe për gratë”,-tha Zhulali.

Pyetjes se Partia Socialiste në 52% të listave të mbyllura ka gra, Zhulali iu përgjigj duke thënë se për kryesocialistin, pjesëmarrja e grave është retorikë politike dhe thjesht numra më shumë në listat zgjedhore.

Zhulali tha se përfaqësimi në politikë i grave duhet të jetë çfarë sjellin ato jo vetëm në politikë, por edhe në shoqëri.

“Ai trajton gratë si numra, është retorikë politike që e ka shpërndarë edhe në këtë fushatë banale dhe aspak dinjitoze, me një gjuhë jo e denjë drejtuar grave. T’u flasësh grave në mënyrë përbuzëse për bashkëshortët, mua nuk më duket e drejtë. Ne nuk jemi në një luftë mes grave dhe burrave. Përfaqësimi në politikë i grave duhet të jetë çfarë sjellin ato jo vetëm në politikë, por edhe në shoqëri. Gratë nuk ndihen të diskriminuara, por si shoqëri patriarkale, sidomos në një garë politike, nuk kemi avantazh ndaj burrave. Gjithsesi, ka një evolim përfaqësimi i grave në mënyrë dinjitoze”,-tha Zhulali./CNA





Lajmet e fundit nga