web counter
LEXO PA REKLAMA!

SHKARKO APP

App Store
Google Play

E fundit!

x

Raporti i OSBE-ODIHR/ Muçollari: Ka kohë që ndodh përdorimi i aseteve publike, tani u zyrtarizuan

30 Prill 2025, 18:47, Politikë CNA

Raporti i OSBE-ODIHR/ Muçollari: Ka kohë që ndodh

Kandidati për deputet i PD, Grigels Muçollari i ftuar në emisionin Task Force ka folur për raportin e djeshëm të OSBE-ODIHR, nëë të cilin thuhej se po përdoren asetet publike për fushatë.

Muçollari tha se kjo ka kohë që ndodh dhe tani u zyrtarizua. Më tej ai u shpres se qytetarët e kanë kuptuar që humbja e Ramës po vjen dita ditës.

“Është krejt e qartë se çfarë po ndodh dha ka kohë që po ndodh. Përdorimi i të gjitha aseteve publike, përdorimi i parave të pista, përdorimi i administratës dhe presionit. Ka një ndryshim nga herët e tjera. Sinjalet janë të kahershme në këtë aspekt dhe tani u zyrtarizuan. Është humbja e garancive që kishte Rama ku mund të bënte gjithçka dhe më pas t’i njiheshin zgjedhjet dhe të përgëzohej për fitoren.

Këtë lloj perceptimi dhe këtë lloj fryme e ndjejnë dhe qytetarët. Unë shoh entuziazëm edhe në sytë e socialistit më të thekur. Kur perceptimi pubik e kupton që rruga e këtij kryeministi drejt fundit ka filluar dhe po ecën me një shpejtësi shumë të madhe ata janë të gatshëm të ndjekin opozitën. Ne kemi një zyrë që po merret vetëm me rastet e presionit ku i dencojmë. Në fushatën time kam kuptuar, që sytë e njerëzve përfshirë të majtë apo të djathtë janë nga opozita. E kanë kuptuar qartë që rrugëtimi i humbjes së Edi Ramës po vjen dita ditës. Çdo ditë që kalon shoh njerëz të çliruar nga frika”, tha Muçollari./ CNA





Lajmet e fundit nga