web counter
LEXO PA REKLAMA!

SHKARKO APP

App Store
Google Play

E fundit!

x

“Ulëm borxhin publik me 54%”/ Rama në Kukës: Kemi inflacionin më të ulët në rajon

30 Prill 2025, 18:35, Politikë CNA

 

“Ulëm borxhin publik me 54%”/ Rama në Kukës: Kemi

Kryeministri Edi Rama zhvilloi këtë pasdite një takim zgjedhor në Kukës. Në fjalën e tij, Rama vuri theksin edhe në çështje të lidhura me ekonominë e vendit.

Rama tha se sipas projeksionit të Qeverisë, në Shqipërinë e 2030 Prodhimi i Brendshëm Bruto do të shkojë në 35 miliardë euro.

“Unë kam sjellë disa të dhëna dhe dua ta nis me PBB, që është e gjithë vlera që vendi krijon, e matur mbi bazën e çdo të ardhure të krijuar në një vend. PBB kur ne morëm detyrën ishte më pak se 10 mld euro, në fund të 2024 rezultoi 25 mld euro dhe projeksioni ynë që në Shqipërinë e 2030 PBB do të shkojë në 35 miliardë euro.

Pra në një dekadë ne e kemi rritur prodhimin e përgjithshëm kombëtar 2 herë e gjysmë. Është një rritje e cila është më e larta në rajonin tonë. Të ardhurat për frymë, e kemi marrë detyrën me një nivel 3300 euro, në 2024 arritën në 10300 euro dhe projeksioni për 2030 është që të shkojnë në 15 mijë euro”,-tha Rama.

Rama tha se borxhi publik është ulur me 54%.

Sa i përket inflacionit, Rama deklaroi se, Shqipëria renditet në vendin e parë me nivelin më të ulët të inflacionit në rajon.

“Borxhi publik është një nga pikat kyçe të matjes së shëndetit të ekonomisë së një vendi dhe kur morëm detyrën Shqipëria kishte një borxh publik 70.4% dhe përveç kësaj shifre zyrtare gjetëm një borxh të fshehur që ishte borxhi i krijuar ndaj kompanive. Ku borxh ishte afro 700 mln euro në atë kohë. Pavarësisht se ne kaluam edhe dy momente ku patëm imponimin nga situata për të rritur përsëri borxhin, COVID dhe tërmeti, ne e kemi ulur borxhin në 54% që konsiderohet një nivel mesatar, normal për një vend si vendi ynë.

nflacioni, e dimë shumë mirë që rritja e çmimeve ka qenë një problem botërisht, por Shqipëria ka patur nivelin më të ulët të inflacionit. Sipas të dhënave të FMN, në mesataren e inflacionit në rajon gjatë 10-vjeçarit të fundi, Shqipëria renditet në vendin e parë me nivelin më të ulët të inflacionit”,-tha Rama./CNA

 

 





Lajmet e fundit nga