web counter
LEXO PA REKLAMA!

SHKARKO APP

App Store
Google Play

Provat që SPAK ka gjetur për Erion Veliajn dhe Ajola Xoxën

10 Shkurt 2025, 20:26, Politikë CNA

Provat që SPAK ka gjetur për Erion Veliajn dhe Ajola Xoxën

Me pak fjalë, për të shpjeguar të gjithë njoftimin e SPAK, apo lajmet dhe çorbën ditore mediatike, të cilat përpiqen të gënjejnë; një herë u arrestua, një herë nuk u arrestua, ka hetime, s’ska hetime, duan Ajolan e duan Lalin, e të tjera si këto apo mendjet e sëmura se qe gabim arrestimi sot dhe s’duhej të arrestohej, apo më keq akoma, mendjet e çmendura të opozitës, që na bënë ditën që erdhi amerikani e kështu me radhë.

Në një njoftim të dhënë nga SPAK, po ta lexojmë shkurt, kemi disa fakte.

Fakti i parë: Kërkesa në Gjykatë është bërë në datën 24 janar dhe vendimi është shpallur dje në datën 9 shkurt. Pas 15 ditësh, gjykata ka dalë me një vendim.

Pas një kërkese të prokurorit Ols Dado dhe Altin Dumani me gati 300 faqe, me një vendim rreth 365 faqe ka dalë gjykata dje. Dhe sot janë zbatuar vendimet.

Për të mos i hyrë teknikaliteteve ligjore, që në fakt në vendimin e dhënë nga gjyqtari Erion Bani janë mjaft të qarta. Le të shohim disa pika:

I janë gjetur Ajola Xoxës 1 milion dollarë në bankë, i janë sekuestruar gati 869 mijë euro, pako gjë, të padeklaruara.

Së dyti, i janë gjetur rreth 1 milion dollarë blerje. Keto që mediat na i quanin: po merren me “mbathjet” e Ajolës apo me kostumet e Erionit. Janë gjetur online, janë fakt.

Dhe së treti, është një vilë truall në një nga zonat më të mira të Tiranës, që pretendohet rreth 500 mijë euro. Në fakt, vlera është rreth 1 milion euro.

Pra kemi rreth 2.5 deri në 3 milion euro të gjetura, të sekuestruara nga SPAK, nga prokurorët me vendim gjykate të zbardhur.

Pastaj, pjesa e bizneseve, kush ka shpëtuar, kush mendon se s’ka shpëtuar, Elman Abule, etj, që janë në hetim, e që çdo shohim rrugës. Kjo është punë që i përket prokurorëve, oficerëve të BKH-së, Gjykatës, etj.

Faktet janë këto të mësipërmet. Janë paratë në bankë, janë paratë e blerjeve dhe vilat.

Kërkesa në gjykatë dha data rrëzojnë pastaj broçkullat e opozitës dhe të mazhorancës; jo erdhi amerikani, jo na hynë në fushatë. Faktet janë fakte, porvat janë prova. Fjalët e tëpërta janë fukarallëk./CNA 





Lajmet e fundit nga