web counter
LEXO PA REKLAMA!

SHKARKO APP

App Store
Google Play

E fundit!

x

Protesto më 7 tetor

6 Tetor 2024, 14:19, Politikë CNA
Protesto më 7 tetor
Koordinatorja për Departamentet në PD, Silvi Bardhi

Koordinatorja për Departamentet në PD, Silvi Bardhi, u ka bërë thirrje shqiptarëve që të bashkohen në protestën që do të zhvillohet ditën e nesërme në orën 18:00.

Bardhi thekson se Shqipëria nuk ka parë kurrë mjerim dhe frikë kaq të thellë në shoqëri dhe skenaristi i të gjithë kësaj situate është kryeministri Edi Rama.

Silvi Bardhi bën me dije se Partia Demokratike po organizon një tjetër protestë madhështore kombëtare dhe për herë të parë fjalën nuk do ta ketë politika, por qytetarët.

Protesta ka për synim ndërgjegjësimin e qeverisë teknike nëpërmjet mosbindjes civile, e cila siguron zgjedhje të lira, lirimin e liderit të opozitës, Sali Berisha, dhe deputetin e Partisë Demokratike, Ervin Salianji.

“Shqipëria nuk ka parë kurrë mjerim dhe frikë kaq të thellë në shoqëri. Skenaristi dhe arkitekti sigurisht që ka një dhe vetëm një emër dhe është Edi Rama.

Partia Demokratike organizon një tjetër protestë madhështore kombëtare dhe për herë të parë fjalën nuk do ta ketë politika, por qytetarët.

Protesta ka për synim ndërgjegjësimin për krijimin e qeverisë teknike nëpërmjet mosbindjes civile, e cila siguron zgjedhje të lira.

Lirimin e liderit të opozitës, Sali Berisha, dhe deputetin e Partisë Demokratike, Ervin Salianji, që siç e dimë qartë mbahen të burgosur si hakmarrje e qartë politike dhe vazhdim i skenarit për tejzgjatjen artificiale të Edi Ramës në pushtet.

Kjo nuk mund të ndodhë derisa shqiptarët deri tani e kanë treguar forcën e tyre përfaqësuese në sheshin qendror të kryeqytetit.

Ne e treguam forcën tonë përfaqësuese edhe në kushte më të rënda sulmesh ndaj opozitës.

Por ne qëndruam në këmbë dhe ja ku jemi sot, sërish përballë pushtetit për të kërkuar të drejtën tonë, e cila lidhet drejtpërdrejt me të drejtën e qytetarëve për të qenë të lirë të vendosin se kush duhet t’i drejtojë.

'E keqja ka një emër', është slogani i fletëpalosjeve, të cilat po shpërndahen kudo në Shqipëri.

Në 13 pikat e saj ritheksohen arsyet e forta të kësaj proteste. 

Ne ju ftojmë ta lexoni këtë fletëpalosje dhe ta ballafaqoni me realitetin e vërtetë e jo propagandën dhe gënjeshtrat e qeverisë.

Ftojmë qytetarët shqiptarë të na bashkohen për të thënë zërin e tyre nëpërmjet përfaqësimit në protestë sepse besimi i tyre është shumë i rëndësishëm për të ardhmen e tyre dhe Shqipërisë.

Të bëhemi bashkë në protestën e 7 tetorit në orën 18:00”, ka deklaruar Silvi Bardhi./ CNA





Lajmet e fundit nga