E fundit!

12:08 Aktualitet

Edhe një tjetër “pikëz e voçkël” mbushet me shtëpi

Analisti dhe gazetari Mentor Kikia ka reaguar pas zjarrit ...

Një shpjegim me fakte për Niko Peleshin

5 Tetor 2024, 13:21, Politikë CNA

Kreu i Grupit Parlamentar të PS-së, Niko Peleshi

Ditën e djeshme, në një propnoncim për mediat, kreu i Grupit Parlamentar të PS-së, Niko Peleshi u tregua i habitur nga protestat e opozitës për një vendim gjykate, për dënimin e Ervin Salianjit. (Lexo këtu)

Në fakt, Niko Peleshi është parë si një djalë i mençur, i shkolluar, me vizion perëndimor, qytetar në sjelljet e tij duke qenë se është edhe nga Korça dhe ne në CNA shpesh e kemi kritikuar ashpër, shpesh kemi mbajtur edhe qëndrim pro tij, por këtë herë duhet t’i tregojmë disa fakte.

Niko Peleshi duhet të mësojë se zakonisht diktaturat dënojnë me vendime gjykate. Janë të rrallë njerëzit që vriten dhe pushkatohen pa vendime gjykate në krime nga më të rënda.

Kreu i Grupit Parlamentar të PS-së, Niko Peleshi

Diktaturat janë me vendime gjykate, opozita shkrihet me vendime gjykate.

Me çfarë u dënua Nelson Mandela në Afrikën e Jugut? Me një vendim gjykate nga Aparteidi, apo jo?

Pjetër Arbnori, me çfarë vendimi u dënua? Me një vendim gjykate, apo jo?

Me çfarë u dënua Fatos Nano, ish-lideri i socialistëve? Me vendim gjykate.

Me çfarë u dënua Salianji? Me vendim gjykate. Për Berishën nuk ka ende një vendim dënimi, por ka një masë sigurie. (Lexo këtu)

Ervin Salianji dhe Sali Berisha

Ka me mijëra raste të tilla në botë kur është bërë diktaturë me vendime gjykate.

Jo gjithmonë vendimet e gjykatave janë të drejta dhe kur ato cënojnë parimet bazë të demokracisë qytetarët ngrihen dhe protestojnë sepse në Shqipëri qeverinë, një nga pushtetet e ka Partia Socialiste, Parlamentin nga ka dalë kjo qeveri e ka Partia Socialiste, Presidentin, një ish-vartës të Niko Peleshit e ka vendosur Partia Socialiste dhe median e ka nën kontroll të blerë Partia Socialiste, pushteti i 99-çave dhe Rilindjes.

I vetmi institucion ku kishte njëfarë shprese është drejtësia sipas SHBA apo vendeve ku ne duam të integrohemi, siç janë standardet e vendeve të BE-së, por nuk ndodh kjo.

Fatmir Xhafajt, vëllait të një trafikanti droge nuk i është hetuar pasuria dhe drejtësia nuk funksionon ndaj tij. (Lexo këtu)

Fatmir Xhafaj

Tek inceneratorët nuk është arrestuar Erion Veliaj, ka shumë hetime por është ende i lirë. Kështu funksionon demokracia? (Lexo këtu)

Ndaj koncecioneve, ndaj korrupsionit, ndaj skandaleve dhe aferave nuk po funksionon drejtësia aq sa duhet. Ka hetime të SPAK-ut, ka mbështetje ndaj shumë prokurorëve të këtij institucioni që janë me integritet, ka dhe njerëz të ndershëm në drejtësi patjetër, por ka edhe njerëz të kapur, ka edhe vendime të padrejta. (Lexo këtu)

Me vendime drejtësie jepen dënime, shkelet dhe cënohet demokracia, të cilat në fakt kur janë të padrejta populli del në rrugë për kapjen e shtetit nga pushteti.

Ne besojmë që Niko Peleshi këto i di, por kur nuk ka çfarë të thotë mirë do ishte të mos dilte të fliste fare./ CNA