web counter
LEXO PA REKLAMA!

SHKARKO APP

App Store
Google Play

Përjashtimi i deputetëve nga Kuvendi/ Murrizi: Mazhoranca ka shuar opozitën

3 Tetor 2024, 22:10, Politikë CNA
Përjashtimi i deputetëve nga Kuvendi/ Murrizi: Mazhoranca ka shuar
Ish-deputeti Myslim Murrizi

Ish-deputeti Myslim Murrizi ka komentuar përjashtimin e deputetëve të PD-së nga Kuvendi për shkak të kaosit dhe djegies së karrigeve.

Murrizi tha në emisionin e Çim Pekës se me këtë vendim mazhoranca e ka shuar opozitën.

Ai tha se me 3 vendime përjashtimesh, asnjëri nga deputetët e PD-së nuk shkon në sallën e Kuvendit deri në zgjedhjet e 2025-ës.

“Në 97, PD ka qënë në kushtet që nga Shkumbini deri në Janinë nuk vuri dot kandidatë, ka fituar 16 depudetë gjithsej, 8 nga lista 24, 6 aleatët, totali shkon në 30. Parlamenti ka qënë 155, dhe PS kishte 125, dhe kurrë nuk ka patur reprezalje, përjashtime, jo dy mujore se kjo është rregullorja e re e këtyre.

Nëse merren 3 vendime gjithsej, ky vendim mbyllet në dhjetor, kur parlamenti mbyllet nga data 19 ose 26, dhe sipas rregullores ose kushtetutës hapen të hënën e tretë të janarit, në datë 20, pra me tre vendime, asnjëri nga deputetët e PD, deri në zgjedhjet e 2025, nuk shkojnë në sallë.

Pra 8 muaj para, në një farë mënyre ke shfarosur opozitën në parlament, pra ke zhdukur pluralizmin duke përjashtuar 24 deputetë të opozitës.

Këtë situatë do ta kishte shumë zili edhe Haxhilleshi, pas vdekjes së Enverit se para nuk e bënte dot këtë.

Unë e them shpesh herë që edhe nga niveli edhe nga përbërja ai parlament edhe pse ishte në grykën e armëve të zjarrit, nën diktatin e komiteteve të shpëtimit, banda të ardhura nga llumhanet që na rrethojnë nga këto diplomatët që thoni ju, me mision në atë kohë ka patur tjetër integritetet dhe nuk ka patur kontigjentë të këtij lloji”, theksoi Murrizi./ CNA





Lajmet e fundit nga