web counter
LEXO PA REKLAMA!

SHKARKO APP

App Store
Google Play

E fundit!

x

Denoncimi: Rama e Veliaj kërkojnë vrimën e miut për të fshehur vjedhjet e tyre

2 Tetor 2024, 20:09, Politikë CNA
 

Denoncimi: Rama e Veliaj kërkojnë vrimën e miut për të

Ish-kryeministri Sali Berisha gjatë deklaratës së tij të përnatshme për mediat nga dritarja e banesës së tij hodhi sërish akuza për vjedhje mbi kryeministrin Rama dhe kryebashkiakun e Tiranës, Erion Veliaj.

Berisha tha se Rama e Veliaj po kërkojnë vrimën e miut, bëjnë çmos të paraqesin ndonjë foto me Aleksis Sorosin apo me ndonjë amerikan tjetër, që sipas tij është një mënyrë për të fshehur vjedhjet apo lidhjet e tyre me krimin.

“Miqtë e mi, keni vënë re se tani që kërkojnë vrimën e miut, Edi Rama dhe Erion Veliaj bëjnë çmos të paraqesin ndonjë foto me Aleksis Sorosin apo me ndonjë amerikan tjetër. Se mendojnë se me këto foto do mund të fshehin vjedhjet e tyre, se me këto foto do mund të fshehin lidhjet e tyre me krimin, se me këto foto do mund të fshehin shpirtin e tyre antishqiptar, se me këto foto do mundin të fshehin krimet e tyre,”- tha Berisha.

Nga ana tjetër kryedemokrati paralajmëroi Ramën e Veliajn se dita ku do të përfundojnë në burg nuk do të jetë shumë e largët.

"Miq, mos harroni se këtu do jeni, se për këto foto nuk do jetë e largët dita kur do të përfundojnë në burg të dy dhe të tjerë e të tjerë. Me asnjë foto, i them Edi Ramës, me asnjë njeri, me asnjë qeveritar dhe as me kërkënd nuk mund të fshehësh vjedhjet e tua, nuk mund t ëfhsehësh lidhjet e tua me krimin, nuk mund të fshehësh Olsin tënd të lidhur këmbë e krye me drogën, nuk mund të fshehësh pasuritë përrallore që ke bërë dhe ke vendosur duke vjedhur shqiptarët. Nuk fsheh dot asgjë, shpirtit tënd të shitur antishqiptar. Nuk fsheh dot veten si argat i shpifur i Aleksandër Vuçiç. Nuk i fsheh dot ti aktet tua armiqësore ndaj shqiptarëve në Kosovë, nuk i fsheh dot kurrë ato. Projektet e tua për të ndarë Kosovën me Serbinë. Nuk i fsheh dot kurrë ato, kriminel. Thirrjet e tua kur shpallje veriun e Kosovës Donbas, sepse ashtu të urdhëronte padroni yt. Nuk i fsheh do  kurrë lobimit që bëre kundër heqjes së vizave për Kosovën. Nuk fsheh dot ti armik i shqiptarëve padinë që bërë ndaj udhëheqjes së Kosovës në gjykatë me porosi të Dushanit dhe të Vuçiçit. Jo, jo nuk shpreh dot kurrë përpjekjet puçiste për të rrëzuar qeverinë e Kosovës me mbeturina të Serbisë dhe Jugosllavisë. Nuk i fsheh dot ti këto sanksionet që vure kundër Kosovës, se në historinë e kombit je tradhëtari më faqezi që ka patur Shqipëria.”/CNA





Lajmet e fundit nga