E fundit!

09:23 Aktualitet

Shqipëria avancon në negociatat me BE-në, sot hap i ri drejt integrimit europian

Shqipëria shënon një tjetër moment të rëndësishëm në rrugë...

“Kërkojnë të më intimidojnë”/ Shantazhohet Bardhi

30 Shtator 2024, 12:18, Politikë CNA

“Kërkojnë të më intimidojnë”/ Shantazhohet

Kreu i grupit të PD-së, Gazment Bardhi

Kryetari i grupit parlamentar të PD-së, Gazment Bardhi, ka informuar Prokurorinë e Posaçme Antikorrupsion pasi ka marrë disa mesazhe, sipas tij, për ta intimiduar në detyrën e tij si deputet apo si kryetar i grupit parlamentar të PD-së.

Bardhi i ka kërkuar SPAK-ut të hetojë për disa mesazhe që i kanë mbërritur më datë 28 shtator në aplikacionin "Signal", ku sajohen ngjarje dhe përmenden personazhe të krimit të organizuar.

Ai beson se të interesuar për të fabrikuar, sajuar, shpikur dhe shpërndarë të tillë mesazhe, qendrojnë persona publikë dhe figura të krimit të organizuar të denoncuar prej tij publikisht dhe në SPAK.

“Këto mesazhe intimiduese dhe me përmbajtje tërësisht të rreme vijnë pas seancës plenare të datës 12 shtator 2024, ku gjatë një interpelance me Kryeministrin e Shqipërisë, Edi Rama, unë në cilësinë e deputetit të Kuvendit të Shqipërisë e përballa atë me disa të dhëna të platformës SKY/ECC që janë bërë publike, si dhe e paralajmërova se shumë shpejt do ta përball me të dhëna të tjera të së njëjtës natyrë që provojnë lidhjet mes funksionarëve të lartë publik dhe krimit të organizuar, gjithmonë pa cenuar dhe duke respektuar rregullat për ruajtjen e sekretit hetimor.”- thotë zoti Bardhi në letrën për drejtuesin e SPAK-ut dhe për të cilën ka vënë në dijeni ambasadat e SHBA-së, BE-së dhe Mbretërisë së Bashkuar në Tiranë.

Gazment Bardhi i kërkon SPAK-ut që të hetojë dhe verifikojë në një kohë të shpejtë mesazhet me natyrë intimiduese ndaj një deputeti të Kuvendit të Shqipërisë, me qëllim identifikimin e autorit/ëve të këtyre mesazheve, motiveve të dërgimit të tyre, dhe arsyet e prodhimit të një dokumenti të falsifikuar.