web counter
LEXO PA REKLAMA!

SHKARKO APP

App Store
Google Play

E fundit!

x

Betohet Vangjel Tavo: Do të jem shërbëtori i Himarës

30 Shtator 2024, 10:34, Politikë CNA

Betohet Vangjel Tavo: Do të jem shërbëtori i Himarës

Ditën e sotme Vangjel Tavo është betuar si kryetar i Bashkisë së Himarës, pas fitores në zgjedhjet e 4 gushtit ndaj kandidatit të PD-së, Petro Gjikuria.

Në fjalën e tij, Tavo theksoi se nuk do të jetë vetëm qytetari i parë i qytetit, por shërbëtor i Himarës.

“I privilegjuar të qëndroj para jush si kryetar i Bashkisë së Himarës, i nderuar që do ju shërbej banorëve në çdo njësi e fshat. Unë betohem se nuk do të jem qytetar i parë, por shërbëtor i parë i Himarës. Do të punoj në të mirë të banorëve për përmirësimin e jetës. Do jetë një qendër komunitare që kujdeset për nevojat e banorëve. Destinancioni më i mrekullueshëm, mbi të gjitha një zonë e banueshme për banorët, jo vetëm për Himarën, por të gjithë familjarët që të jetojnë më mirë. Kjo bashki do të jetë e juaja. Zyra ime do të jetë e hapur për banorët e thjeshtë. Do të jenë të hapura dyert dhe për ide për secilin që kërkon të kontribuojë në të mirën e Himarës.

Himarjotët që jetojnë jashtë vendit, përfaqësitë e huaja, janë të mirëpritura të vijnë dhe të japin ndikimin e tyre, dyert e hapura për këdo që i shërben interesit të Himarës. Të mbyllura ndaj paligjshmërisë apo korrupsionit, himarjotët meritojnë një bashki që ju ofron zgjidhje dhe jo që ju shkakton probleme apo jua vështirëson jetesën. Meritojnë një institucion që të gjejnë mbështetje. Ftoj këshillin pa dallim politik të punojmë së bashku për shërbim ndaj Himarës. E mira e Himarës kapërcen çdo bindje politike. E mira e Himarës, e mira e së ardhmes”, ka thënë Tavo./ CNA





Lajmet e fundit nga