web counter
LEXO PA REKLAMA!

SHKARKO APP

App Store
Google Play

E fundit!

x

Berisha: Rama dhe Xhafaj, janë vëllazëritë e krimit dhe drogës në Shqipëri

28 Shtator 2024, 19:34, Politikë CNA
Berisha: Rama dhe Xhafaj, janë vëllazëritë e krimit dhe
Kryetari i PD-së, Sali Berisha

Kryetari i PD-së, Sali Berisha, ngriti akuza ndaj kryeministrit Edi Rama dhe ish-ministrit të Brendshëm, Fatmir Xhafaj, gjatë fjalës së tij në protestën e përnatshme.

Teksa foli për dosjen “Babale”, Berisha tha se “vëllazëria Rama dhe vëllazëria Xhafaj, janë vëllazëritë e krimit dhe drogës në Shqipëri”.

Sipas tij, këtë e kanë treguar sulmet ndaj tij dhe opozitës nga media e Carlo Bollinos.

“Në gusht të vitit 2016 media më e afërt me Edi Ramën, media e Bolinos botonte dosjen e plotë të Geront Xhafës në Itali dhe Venezuelë.

Sali Berisha denoncoi vëllazërinë Xhafaj, si njëra nga vëllazëritë më të rrezikshme të drogës dhe mafias në Shqipëri dhe Ballkan.

Nga vëllazëria Xhafaj nuk do të reagonte asnjë njeri ndaj këtij denoncimi të plotë dhe të gjerë. Vëllazëria Xhafa zbatoi omertan, kodin e heshtjes.

Por ai që reagoi me furinë dhe egërsinë më të madhe ishte vëllazëria Rama, ishte Edi Rama, për të faktuar se ata ishin një me vëllazërinë Xhafaj.

Cilido që dëshiron mund të lexojë se me çfarë fjalori u vërsul kundër meje, por kur thoni. Në ora 1 të natës, Edi Rama në mbrojtje të zjarrtë të Geron Xhafës, të njeriut të ndershëm, të trafikantit të ndyrë, kriminel, i cili trafikonte dhe akaparuar lojërat e fatit me Olsin, siç thonë.

Edi Rama në 1 të natës e detyruan të vërsulet me tërbim, me një fjalor halabaku kundër Sali Berishës.

Miqtë e mi!

Gazetari trim, Jetmir Olldashi të cilit shoqëria i detyrohet shumë, mori përsipër të ju faktojë shqiptarëve se ai, njeriu i ndershëm që rriste dy fëmijë, i Edi Ramës, ai ishte një kriminel i damkosur, ai ishte një trafikant i rrezikshëm që mbrohej nga vëllai i tij, faqezi Xhafaj, ministër i Brendshëm të cilit ju vetëvra shoferi, për herë të parë në historinë e vetëvrasjeve me 13 plumba në kokë.

E kuptoni vetë çfarë vetëvrasje, e kuptoni vetë.

Pra në ora 1 të natës, derdh breshëri sharjesh ndaj meje, se po sulmoja njeriun e ndershëm, ndërkohë Olldashi e faktoi se ai ishte i aftë, jo vetëm të fshihej, jo vetëm nuk shkonte në Itali për dënimin, por ai vazhdonte, udhëhiqte trafiqet nga Vlora dhe ishte i aftë të siguronte tonelata drogë, bashkëpunëtorëve të tij të vjetër.

Ervin Salianji me guxim publikoi regjistrimin.

I qorri maskën vëllazërisë së krimit, vëllazërisë Xhafaj.

I qorri maskën vëllazërisë së krimit, vëllazërisë Rama.

Tregoi se, vëllazëria Rama dhe vëllazëria Xhafaj, janë vëllazëritë e krimit, janë vëllazëritë e drogës në Shqipëri”, theksoi Berisha./ CNA





Lajmet e fundit nga