web counter
LEXO PA REKLAMA!

SHKARKO APP

App Store
Google Play

E fundit!

x

“Vota e diasporës, jetike”/ Këlliçi nga SHBA: Po ndërgjegjësoj shqiptarët për të drejtën e votës

1 Tetor 2024, 22:40, Politikë CNA
“Vota e diasporës, jetike”/ Këlliçi nga SHBA: Po
Drejtuesi Politik i PD-së për Qarkun e Tiranës, Belind Këlliçi

Drejtuesi Politik i PD-së për Qarkun e Tiranës, Belind Këlliçi, prej disa ditësh ndodhet në SHBA.

Këlliçi ka zbuluar se qëllimi kryesor i kësaj vizite është ndërgjegjësimi i shqiptarëve të diasporës për të drejtrën e votës.

Ai ka bërë të ditur se vetëm në shtetin e Miçiganit janë të paktën 150 mijë shqiptaro-amerikan që punojnë dhe që votojnë për herë të parë.

Drejtuesi politik për Tiranan ka theksuar në emisionin e Adi Krastës se vota e tyre është jetike.

“Partia simotër e PD në Amerikë është Partia Republikane, që përfaqëson të djathtën dhe është normale që të gjithë demokratët e Shqipërisë të jenë suportues dhe mbështetës të Partisë Republikane në Amerikë dhe të kandidaturës së presidentit Trump. Arsyeja kryesore e vizitës time është ndërgjegjësimi i shqiptarëve të diasporës për të drejtën e votës, për faktin se për herë të parë ky grup i jashtëzakonshëm interesi, ku vetëm në shtetin e Miçiganit janë të paktën 150 mijë shqiptaro-amerikan që punojnë këtu. Ky komunitet i madh do të votojë për herë të parë. Ende i duket e pabesueshme vota e diasporës.

Dy ditë më parë kemi pasur një aktivitet brenda 24 orëve me kërkesë të komunitetit këtu dhe më vjen mirë dhe keq pasi një pjesë e madhe e FRPD ndodhet sot në SHBA të atyre që kam pasur rrugëtimin tim në PD, një pjesë e ish-drejtuesve të PD ndodhen sot në SHBA.

Ky është një indikacion i qartë që pjesa më e madhe e diasporës shqiptare në botë është opozitare. Janë ata qytetarë shqiptarë që janë goditur nga sistemi në Shqipëri, janë hequr nga puna, nuk kanë pasur shpresë, kanë qEnë në opozitë me qeverinë, janë goditur në biznes dhe një pjesë e madhe e tyre ka ardhur në SHBA.

Vota e diasporës për shqiptarët dhe PD është jetike. Janë këto familje që kontribuojnë në pjesën më të madhe në ekonominë shqiptare, duke mbështetur familjet e tyre ekonomisht dhe kanë fjalën e tyre në vendimmarrjen në Shqipëri”, ka nënvizuar Këlliçi./ CNA





Lajmet e fundit nga