web counter
LEXO PA REKLAMA!

SHKARKO APP

App Store
Google Play

E fundit!

x

Transformimi i Universitetit të Korçës/ Manastirliu prezanton planin 

4 Tetor 2024, 13:52, Politikë CNA
Transformimi i Universitetit të Korçës/ Manastirliu prezanton
Ministrja e Arsimit, Ogerta Manastirliu 

Ministrja e Arsimit, Ogerta Manastirliu, prezantoi planin e transformimit dhe zhvillimit të Universitetit të Korçës.

Manastirliu tha se plani synon të profilizojë universitetin e Korçës. Kjo do të mundësojë sipas saj që programet e studimit të mund të orientohen drejt tregut të punës, por edhe zhvillimeve rajonale.

Lidhur me ndërkombëtarizimin e universitetit të Korçës, Manastirliu u shpreh se ky proces është pjesë e programit të transformimit dhe planit zhvillimor të universitetit të Korçës.

"Sot jemi në Korçë me rektorin e universitetit dhe kolegun Peleshi, gjithashtu edhe me profesorë të universitetit të Korçës dhe profesorë nga Diaspora, ku së bashku, si Ministri e Arsimit dhe sportit mbështetur edhe me fondacionin shqiptaro-amerikan për zhvillim, do të prezantojmë planin e transformimit dhe zhvillimit të universitetit të Korçës.

Një plan i cili është hartuar me kontributin e të gjithë grupit të ekspertëve të angazhuar të cilët kanë në përbërje tre prej akademikëve tanë në Diasporë ku kontribojnë për këtë plan zhvillimor, i cili synon të profilizojë universitetin e Korçës, por dhe t'i japë një model që të drejtojë edhe zhvillimin për universitetet tona rajonale që të jenë më tërheqëse për studentët. Programet e tyre të studimit të mund t'i orientojnë drejt tregut të punës, por edhe zhvillimeve rajonale.

Ndaj, universiteti do të jetë një prej projekteve tona pilote për të filluar fazën e zbatimit të këtij plani transformues që do të synojë jo vetëm rishikimin në të gjitha programet e studimit për ciklet bachelor, master dhe doktoraturave, do të kemi synim të shkojmë drejt universitetit inteligjent ku pikërisht universiteti i Korçës do të orientohet drejt teknologjisë e zhvillimit bujqësor pa lënë mënjanë edhe programet e tjera që kanë të bëjnë me shkencat humane, duke ditur që këtu kemi qendra të cilat zhvillojnë jo vetëm aktivitete që lidhen me mësuesinë, por edhe në fushën albanologjike dhe të tjerë elementë të rëndësishëm që duam t'i forcojmë.

Pra, profilizimi bëhet me synim fuqizimin e universitetit dhe transformimin për të pasur studentë të cilët diplomat e tyre mund të afrojnë më shumë me tregun e punës në kohë sa më të shpejtë,por dhe të rrisim interesin e tyre jo vetëm tek te rinjtë e Korçës por edhe të rajonit e më gjerë, sepse në fokus të profilizimit të universitetit të Korçës për ta bërë universitet inteligjent, do të ketë edhe fokus për të rritur investimet në infrastrukturën e kërkimit shkencor, të laboratorëve për të ngritur qendra të ekselencës për t'i dhënë universitetit të Korçës atë transformim të nevojshëm për të optimizuar programet e kërkimit shkencor por dhe për t'i dhënë më shumë qasje rajonale."

Sa i takon uljes së numrit të studentëve të programeve prioritare që do të përfitonin pagesën sa rroga minimale, ministrja shprehet:

"Sa u përket kuotave të bursave sa paga minimale dhe programeve prioritare, ne jemi të angazhuar që çdo vit të kemi një mbështetje për studentët e programeve prioritare. Këtë vit ka pasur një riorganizim të mekanizmit që i përket mbështetjes me bursa sa paga minimale, të jenë 100 kuota studimi të cilat janë të shpërndara në të gjithë vendin siç është mësuesia, shkencat e natyrës, gjithashtu dhe bujqësia. Këto janë kuota të reja për universitetet, të mos harrojmë që kemi 210 studentë që përfitojnë bursat sa paga minimale, gjithashtu dhe studentë të ekselencës që bashkë me kuotat e reja të bursave do të shkojnë në 400 studentë."

Lidhur me ndërkombëtarizimin e universitetit të Korçës:

"Ndërkombëtarizimi është pjesë e programit të transformimit dhe planit zhvillimor të universitetit të Korçës ku programet e përbashkëta të studimit, diplomat dyfishe dhe hapja e kampuseve të universiteteve të tjera, është një prej objektivave tanë, ndaj ndërkombëtarizimi është pjesë e procesit të profilizimit duke qenë se synimi është jo vetëm krijimi i mundësisë për hapjen e programeve të huaja dhe dyfishe, por nga ana tjetër dhe sjellja e pedagogëve të cilët janë të huaj apo të Diasporës, për të qenë lektorë dhe pse jo për të drejtuar edhe departamente të ndryshme të universitetit."/ CNA





Lajmet e fundit nga