web counter
LEXO PA REKLAMA!

SHKARKO APP

App Store
Google Play

E fundit!

x

Thirrja e Berishës: Të hënën, në orën 18:00, të gjithë marshim në Tiranë

4 Tetor 2024, 12:52, Politikë CNA
Thirrja e Berishës: Të hënën, në orën 18:00,
Kreu i PD-së Sali Berisha

Kreu i PD-së, Sali Berisha, u ka bërë thirrje të gjithë shqiptarëve dhe demokratëve që t’i bashkohen protestës ditën e hënë në orën 18:00 në Tiranë.

“Përsëris thirrjen time dhe të PD për çdo demokrat dhe demokrate, për çdo opozitar të vërtetë, për çdo qytetar shqiptar që beson te vota e lirë, që beson se vullneti i tij duhet të respektohet, që beson te Kushtetuta dhe shteti ligjor, që beson se Edi Rama, në të gjithë qenien e tij, është një armik i egër i votës së lirë, është një armik i egër i shtetit ligjor dhe demokracisë se ka instaluar në Shqipëri autokracinë elektorale në të cilën në industrinë e blerjes së votës, me shtetin e tij elektoral, me makinerinë e tij kontrollon vullnetin e shqiptarëve. Thirrja ime është ditën e hënë në orën 18:00 të gjithë marshim në Tiranë për të drejtat tona më themelore, për një qeveri teknike dhe zgjedhje të drejta kundër dhunës ndaj opozitës dhe arrestimeve politike, kundër vjedhjeve të pashembullta në historinë e këtij vendi nga Edi Rama dhe klani i tij kriminal, kundër narkoshtetit që ka shndërruar Shqipërinë në protektorat të mafias. Kjo protestë është protestë që buron nga idealet dhe ndërgjegjja e çdo qytetari shqiptar dhe çdo patrioti që e do kombin shqiptar dhe Shqipërinë", tha Berisha./ CNA





Lajmet e fundit nga