web counter
LEXO PA REKLAMA!

SHKARKO APP

App Store
Google Play

Dashamir Shehi: Komisioni “Xhafaj” është paturpësi e madhe

3 Tetor 2024, 22:26, Politikë CNA
 
Dashamir Shehi: Komisioni “Xhafaj” është paturpësi e
Kreu i LZHK-së, Dashamir Shehi

Kreu i LZHK-së, Dashamir Shehi ka reaguar pasi Komisioni i Posaçëm i drejtuar nga Fatmir Xhafaj u refuzua nga Gjykata Kushtetuese, SPAK-u dhe nga Inspektoriati i Lartë i Drejtësisë.

I ftuar në një studio televizive, Shehi tha se ata kanë bërë mirë që nuk kanë pranuar, sepse drejtësia është ndarë nga pushtetet e tjera me Kushtetutë.

Sipas tij Komsioni “Xhafaj” është një paturpësi e madhe.

“Bën mirë që nuk hyn. Është e paligjshme, antikushtetuese dhe e pamoralshme. Kanë larë fytyrën e vet se do të ishin në nivelin e groteskut. Është e paturpshme që i ftojnë. Se me kushtetutë i kemi të ndara pushtetet. Ligjvënësi i ka dhënë drejtësisë pavarësinë e vet. Sepse ka bërë institucionet e veta. Kush përzin këtë punë e bën për propagandë. Komisioni “Xhafaj” është paturpësi e madhe. Çdo me thënë për thellimin e reformave? Vetëm për propagandë. Kjo është kornizë pa pikturë brenda”,- tha Shehi.


Ndër të tjera, deputeti shtoi se kryeministri Rama është bërë mjeshtër manipulimesh, sipas tij Xhafa i ka dhënë bezdi dhe i ka dhënë në Komision.

“Kur bëhet fjalë për korrupsion, çfarë kontrollon ky komision në emërt të maxhorancës? Ka drejtori, inspektoriate, policinë. Kjo më kujton se Rama është bërë mjeshtër për këto lloj pune. Ky sistemon armiqtë e partisë në këto vende. Kjo më kujton se kur donte të largonte Gjinushin nga politika e bëri te Akademia e Shkencave. Ky Xhafa ndoshta i ka dhënë bezdi dhe i jep një komision. Nuk u gjet një personazh tjetër, por Xhafa? Vetëm formalisht ti duhet të vendosësh një njeri te opozitës”-shtoi Shehi/CNA





Lajmet e fundit nga