web counter
LEXO PA REKLAMA!

SHKARKO APP

App Store
Google Play

“Shteti i Ramës shtyp të pamundurit”/ Bardhi: Në 7 tetor, Fieri marshon drejt Tiranës

6 Tetor 2024, 11:38, Politikë CNA

“Shteti i Ramës shtyp të pamundurit”/ Bardhi: Në 7

Kreu i grupit parlamentar të PD-së, njëkohësisht dhe drejtuesi politik i Fierit, Gazment Bardhi, ka zhvilluar një takim me demokratët ku u ka bërë thirrje që të bashkohen në protestën e 7 tetorit në Tiranë.

Bardhi ka deklaruar se është detyrë dhe mision i çdo qytetari të ndershëm që të reagojë ndaj tentativës së Partisë Socialiste për të zhbërë shtetin ligjor, dhe për të instaluar shtetin personal të Edi Ramës.

“Të hënën, datë 7 Tetor, ora 18:00, Fieri marshon drejt Tiranës!

Takimet në Rreth Libofsh të Fierit, për t’i bërë thirrje qytetarëve për pjesëmarrje masive në protestën e të hënës, ishin një mundësi e mirë të mësuar edhe më shumë arsye që kanë qytetarët e qarkut Fier për të mos pranuar t’i nënshtrohen padrejtësive. Si asnjëherë më parë qytetarët janë të vendosur se ka ardhur koha për t’i treguar Edi Ramës se boll është boll. 12 vjet janë shumë kohë e humbur.

Shteti personal i Edi Ramës shtyp të pamundurit dhe mbron kriminelët dhe të korruptuarit. Është detyrë dhe mision i çdo qytetari të ndershëm që të reagojë ndaj tentativës së Partisë Socialiste për të zhbërë shtetin ligjor, dhe për të instaluar shtetin personal të Edi Ramës”, shkruan Bardhi./ CNA





Lajmet e fundit nga