web counter
LEXO PA REKLAMA!

SHKARKO APP

App Store
Google Play

Prona në Zvërnec/ Rama: Çështja do të hetohet nga SPAK-u, verifikim i transaksioneve të blerjes

3 Qershor 2026, 12:59, Politikë CNA

Kryeministri Edi Rama bëri sot një dalje të pazakontë pas mbledhjes së Këshillit të Ministrave.

Duke folur para gazetarëve, Rama u shpreh se momentalisht është konsideruar verifikimi i transaksionit për blerjen e tokës në Zvërnec.

Sipas Ramës, mbajtja e ngrirë e fondeve nga Prokuroria e Posaçme është një hap i rëndësishëm në këtë fazë.

Kreu i qeverisë shtoi se çështja e origjinës së pronës do të kryhet përmes një hetimi të pavarur dhe profesional përmes SPAK-ut dhe në të dyja rastet, rezultati do të jetë i padiskutueshëm nga pikëpamja ligjore.

“Kjo dalje ka të bëjë me një zhvillim që unë e konsideroj si shumë pozitiv lidhur me procesin e verifikimit të transaksionit për blerjen e tokës në Zvërnec. Me sqarimin e plotë dhe përfundimtar të origjinës së fondeve të kaluara përmes bankës dhe çlirimin përfundimtar të investitorëve që tanimë janë edhe pronarë. E konsideroj si pozitive që SPAK ka vendosur të mbajë të ngrira fondet, pa i lënë të kalojnë te shitësit, për të cilin ka një proces hetimor. Kjo është pozitive edhe për këdo që pretendon pronë në atë territor. Çështja e origjinës së pronës do të kryhet përmes një hetimi të pavarur dhe profesional përmes SPAK-ut dhe në të dyja rastet, rezultati do të jetë i padiskutueshëm nga pikëpamja ligjore. Nga pikëpamja e pretendimeve, do t’i japë fund çdo spekulimi që nuk është i bazuar në ligj. Këtu merr fund çdo lloj shqetësimi i atyre që janë pretendentë të sinqertë”,-tha Rama./CNA





Lajmet e fundit nga