Këlliçi konfirmon CNA: Ja kur do të njoftohet mbledhja e Këshillit Kombëtar

2 Qershor 2026, 21:29, Politikë CNA

Këlliçi konfirmon CNA: Ja kur do të njoftohet mbledhja e

Ditën e sotme, CNA përmes një shkrimi bëri me dije se së shpejti pritet të mblidhet në selinë e PD-së Këshilli Kombëtar për të bërë zgjedhjen e Sekretariatit, Nënkryetarëve dhe kryetarit të Këshillit Kombëtar.

Ripërtëritja e Partisë Demokratike duket se është një strategji ku një pjesë e emrave do lëvizin, do largohen nga detyrat që mbajnë.

Burime zyrtare nga PD-ja i thanë CNA-së se do ketë lëvizje të mëdha në Departamente dhe Sekretariate dhe një ripërtëritje të plotë, me emra të rinj, me intelektualë, me anëtarë të Këshillit Kombëtar, por dhe me ekspertë të ndryshëm të fushave, të cilët do të jenë personat që do të përgatitin programin e qeverisjes së nesërme dhe strategjitë elektorale të Partisë Demokratike.

PD mbledh Këshillin Kombëtar/ Kush ikën dhe kush vjen në drejtim?
2 Qershor, 15:39

Këtë e ka konfirmuar deputeti i PD-së Belind Këlliçi.

I ftuar në emisionin “A Krasta Show”, Këlliçi tha se nesër ose pasnesër do të bëhet njoftimi për datën e mbledhjes së Këshillit Kombëtar.

Po ashtu theksoi se do të zgjidhet ekipi kryesor, Nënkryetarët, Kryetari, Sekretariatet dhe Departamentet.

“1600 delegatë patën pjekuri politike për t’iu përgjigjur me akt thirrjes që bëri Berisha për një ripërtëritje të Këshillit Kombëtar. Po të shihni listën e fituesve të Këshillit Kombëtar, gjeni për herë të parë 60 % të rinj dhe gra, kjo s’ka ndodhur kurrë. Këtë luftë e kam udhëhequr unë për përfaqësimin e të rinjve në organet e Këshillit Kombëtar. Kësaj radhe e ka kaluar në përqindje pjesëmarrja e të rinjve. Ke të rinj të talentuar, ke intelektualë, ke ekspertë në fushën e IT, janë të paktën 32 pedagogë që janë përzgjedhur si fitues në listë, janë 18 zyrtarë. 4 studentë të Dhjetorit ’90.

Mekanizmi ishte me votë. Një delegat ka përzgjedhur mes figurave. Fleta e votimit është ndarë në tre kategori: një listë e dedikuar vetëm për burrat, një listë vetëm për gratë dhe një listë e dedikuar për të rinjtë.

Nesër ose pasnesër do të njoftohet mbledhja e Këshillit Kombëtar. Do të zgjidhet ekipi kryesor, nënkryetarët, kryetari, sekretariati dhe departamentet. Kam përshtypjen që në frymën e Kuvendit do të ecet edhe në zgjedhjet e Këshillit Kombëtar”, tha Këlliçi./ CNA