web counter
LEXO PA REKLAMA!

SHKARKO APP

App Store
Google Play

E fundit!

x

Projektligji/ Balla kërkon miratimin e faljes së gjobave

17 Dhjetor 2024, 14:09, Politikë CNA

Projektligji/ Balla kërkon miratimin e faljes së gjobave

Në mbledhjen e Komisionit të Ligjeve ditën e sotme ishte i pranishëm edhe ministri i Shtetit për Marrëdhëniet me Parlamentin, Taulant Balla.

Ministri Taulant Balla sot në Komisionin e Ligjeve ka kërkuar miratimin e nismës së PS për faljen e gjobave për tri fashat e përfshira në projektligj: Falja e gjobave për ndërtimet pa leje në fshat, faljen e gjobave të kohës së pandemisë që nuk janë shlyer ende, si dhe falja e gjobave të vendosura po në zonat rurale nga Ujësjellës-Kanalizimet.

“Si përfaqësues i Këshillit të Ministrave dhe në emër të ministrive dua të shpreh dakordësinë tonë në parim sa i përket miratimit të këtij projektligji, për anulimin e masave administrative.

Nisma, duhet të informoj kolegët, nuk është një nismë që nuk gjendet në vende të tjera, dhe këtu i referohem kryesisht vendeve të BE. E gjej plotësisht në të njëjtën linjë të ndërmarr në disa vende të BE dhe është e njëjtë me një të tillë në Itali dhe Francë, sa u përket shkeljeve të vogla administrative, ku janë zbatuar anulime masash të ngjashme për ndërtimet e vogla pa leje, duke synuar siç thotë parlamenti italian uljen e barrës financiare ndaj qytetarëve”, tha ministri Balla./ CNA





Lajmet e fundit nga