E fundit!

19:39 Aktualitet

"Rama jepe dorëheqjen"/ Diaspora proteston në Bruksel

Diaspora po zhvillon sot një protestë përballë godinës së ...

Meta: Kriza në Kushtetuese e shpikur nga PS, do kontrollin e institucioneve të drejtësisë

16 Dhjetor 2024, 21:00, Politikë CNA

Meta: Kriza në Kushtetuese e shpikur nga PS, do kontrollin e institucioneve

Kreu i PL-së, Ilir Meta

Kreu i PL-së, Ilir Meta, ka reaguar nga qelia për situatën në Gjykatën Kushtetuese, në lidhje me mandatin e kryetares Holta Zaçaj.

Meta ka ngritur pretendimin se kjo krizë është krijuar me urdhër të mafias dhe të kryeministrit Edi Rama.

Ai ka deklaruar se në PS ka një luftë për kontrollin e institucioneve të drejtësisë për interesa dhe përfitime të pista.

Deklarata e plotë:

Kriza e shpikur për Gjykatën Kushtetuese tregon NarkoRepublikën që ka zaptuar zyrat e shtetit dhe qeveris sipas urdhrave të mafias dhe narkotrafikantëve.

Gjykata Kushtetuese është prej kohësh në krizë te thellë të moszbatimit të ligjit dhe Republika prej kohësh është vetem në letër për shkak të kapjes së drejtësise nga Edi Rama dhe përkrahjes, që i është dhënë kësaj drejtësie nga Narkodiplomatë të caktuar.

Prej vitesh u bllokua KED sepse nuk dilnin goglat si i kërkonte Edi Rama për ta rrëmbyer me çdo kusht e çdo mjet.

Gjyqtari përgjegjës për falsifikimet u amnistua nga SPAK, gjoja për mungesë pasojash, sepse bllokimi për vite i Gjykatës Kushtetuese nuk ishte problem dhe nuk kishte pasoja sipas për SPAK-ut të Edi Ramës.

Ky debat i shpikur reflekton luftën e brendshme te fraksioneve të "Rilindjes" brenda drejtësisë për ta kontrolluar atë për interesat dhe përfitimet e tyre të pista, por edhe në përmbushje të qëllimit të Edi Ramës për të kontrolluar Gjykatën Kushtetuese 9-0 vitin e ardhshëm si vijim i skenarit të dështuar të betimit tek Lana që u asgjesua në atë kohë nga unë, si President i Republikës.

Zgjidhja e kësaj krize të stisur nuk vjen përmes Gjykatës Kushtetuese, por vetëm nga respektimi i nenit 2 të Kushtetutës "Sovraniteti në Republikën e Shqipërisë i përket popullit".

Ndaj vijimi i protestave dhe mosbindja civile është rruga e vetme për t'i shkurtuar ditët Narkoregjimit që mbahet në këmbë nga Narkodrejtësia.