web counter
LEXO PA REKLAMA!

SHKARKO APP

App Store
Google Play

E fundit!

x

Marrëveshja për emigrantët/ Meloni: Do të funksionojë edhe nëse do na duhet të flemë atje, dua të luftoj mafien

15 Dhjetor 2024, 18:09, Politikë CNA
Marrëveshja për emigrantët/ Meloni: Do të funksionojë
Kryeministrja italiane, Giorgia Meloni

Deri më tani marrëveshja e Italisë me Shqipërinë në lidhje me emigrantët nuk ka shkuar ashtu siç ishte planifikuar.

Mirëpo, pavarësisht kundërshtive nga Gjykata e Romës për zbatimin e kësaj marrëveshje, Kryeministrja italiane, Giorgia Meloni nuk ka hequr dorë në realizimin e saj.

Së fundmi në një dalje televizive, ajo ka pohuar se qendrat e emigrantëve në Shqipëri do të funksionojë pasi nëse ndalohet do të thotë që ndihmon kriminelët.

E vendosur për realizimin e kësaj marrëveshjeje, Meloni u shpreh se “qendrat në Shqipëri do të funksionojnë, edhe nëse duhet të flemë atje deri në fund të kësaj qeverie.”

“Protokolli me Shqipërinë është më i frikshmi, ndalimi i nismës do të thotë të ndihmosh kriminelët. Pyes veten nëse gjyqtarët që kanë trajtuar emigrantët me dënime të paarsyeshme kanë pyetur veten për pasojat e vendimeve të tyre. Prioriteti i magjistratëve, pas Falcone dhe Borselini, është lufta kundër mafies. Qendrat në Shqipëri do të funksionojnë, edhe nëse duhet të flemë atje deri në fund të kësaj qeverie, sepse unë dua të luftoj mafien,"- u shpreh Meloni.

Kujtojmë se emigrantët që erdhën  në Gjadër të Lezhës janë rikthyer brenda ditës për në Itali pas urdhërit të Gjykatës së Romës, që prentendonte se ishin persona me rrezikshmëri të lartë dhe jo të besueshëm./CNA





Lajmet e fundit nga