web counter
LEXO PA REKLAMA!

SHKARKO APP

App Store
Google Play

"Pensionisti paguan 500 euro TVSH"/ Berisha: Do të vendoset urgjent karta e konsumatorit

16 Dhjetor 2024, 12:18, Politikë CNA

"Pensionisti paguan 500 euro TVSH"/ Berisha: Do të vendoset

Kreu i PD-së, Sali Berisha, ka ngritur shqetësimin se çdo pensionist sot paguan 500 euro TVSH për ushqimet.

Ai tha se për të shmangur këtë kur të vijë në pushtet do të vendosë urgjentisht kartën e konsumatorit.

“Paguan pensionisti 480 apo 500 euro TVSH për ushqimet që konsumon në muaj paguan njëlloj sa presidenti i Republikës që merr mbi 5000 euro apo Rama që i afrohet apo Dumani.

A ka më çnjerëzore se kjo. Po në kuadrin e programit tonë për të përmbysur dhe për të ngushtuar këtë çarje të madhe të krijuar në shoqërinë tonë dal për të informuar qytetarët se do të vendoset me urgjencë karta e konsumatorit që do të rimbursohet 100% TVSH e produkteve bazë të shportës për çdo pensionist, familje dhe invalid pa përjashtim. Karta ka dy rrugë për të proceduar. Një për të ulur TVSH ose për të hequr TVSH për ushqime, por kjo përsëri barazon ato që nuk mund të barazosh”, tha Berisha./ CNA





Lajmet e fundit nga