web counter
LEXO PA REKLAMA!

SHKARKO APP

App Store
Google Play

E fundit!

x

Rama në Bruksel: Sot do të hapim një kapitull të rëndësishëm për vendin tonë

17 Dhjetor 2024, 08:01, Politikë CNA
Rama në Bruksel: Sot do të hapim një kapitull të
Foto ilustruese

Delegacioni shqiptar me në krye kryeministrin Edi Rama ka mbërritur në Bruksel ku do të mbahet konferenca e tretë ndërqeveritare me BE sa i përket procesit të integrimit të Shqipërisë.

Kryeministri Edi Rama në një prononcim për mediat ka deklaruar se Shqipëria është në rrugën e duhur dhe sot do të ndërmerret një hap tjetër i rëndësishëm për vendin tonë, pasi do të ahpet një grupkapitull i ri.

Numri një i qeverisë u shpreh se shpreson se deri brenda vitit të ardhshëm të mbyllen kapitujt që janë hapur deri më tani.

Ai e cilësoi këtë proces si një hap të madh për Shqipërinë.

“Jemi në rrugën e duhur ambicia jonë është të hapim më shumë kapituj. Sot do të ndërmarrim një hap të ri, do të hapim një kapitull të rëndësishëm për vendin tonë. Shpresojmë që brenda vitit të ardhshëm të mbyllim ato kapituj që kemi hapur deri tani. Është një hap i madh për vendin tonë, është një hap motivues për vendin tone”, tha Rama.

Ky takim do të jetë në kuadër të hapjes së grupkapitullit të 6-të që përfshin Marrëdhëniet e jashtme dhe kapitujt negociues:

Kapitulli 30–Marrëdhëniet e jashtme

Kapitulli 31–Politika e jashtme, e sigurisë dhe e mbrojtjes

Kapitujt negociues ndahen në gjashtë grupime tematike: Bazat; Tregu i brendshëm; Konkurrueshmëria dhe rritja gjithëpërfshirëse; Agjenda e gjelbër dhe lidhje e qëndrueshme; Burimet, bujqësia dhe kohezioni; dhe marrëdhëniet e jashtme.

Pritet të ketë dhe një konferencë për shtyp pas konferencës ndërqeveritare./ CNA





Lajmet e fundit nga