web counter
LEXO PA REKLAMA!

SHKARKO APP

App Store
Google Play

Rama: Duam të 'martohemi' me BE-në, të harrojmë 'divorcet' e së kaluarës

17 Dhjetor 2024, 10:07, Politikë CNA

Rama: Duam të 'martohemi' me BE-në, të harrojmë

Kryeministri Edi Rama nga Brukseli ka bërë me dije se Shqipëria e ka bërë të qartë zgjedhjen e saj për të qenë pjesë e BE-së, duke e konsideruar si martesë dhe duke lënë pas 'divorcet' e së shkuarës.

“Kam mësuar se nuk ka kapitull apo ndonjë paragraf që është i lehtë me BE-në, pra çdo gjë duhet të kalojë në një shqyrtim të hollësishëm dhe bashkëpunim të ngushtë përmes dialogut dhe mirëkuptimit të përbashkët. Ne presim të hapim grupkapitujt, por në të njëtën kohë nuk po gënjejmë veten se ka për të të qenë punë e vështirë.

E vlerësoj shumë këtë proces sepse sikundër komisionerja e tha ndihmon vendin që të rritet, piqet dhe transformohet dhe të bëhet shtet ku institucionet janë shumë më të rëndësishme se çdo tjetër dhe kur i gjithë sistemi punon si një garantues për demokracinë dhe sundimin e ligjit, çdo gjë tjetër funksionon.

Për këtë grupkapitull që hapëm sot nuk është i vështirë se Shqipëria ka qenë në harmoni me politikat e BE-së sa i përket diplomacisë dhe sigurisë edhe vetë shqiptarët janë mbështetës në këto lloj politikash dhe kemi bërë një zgjedhje të qartë si komb që ne duam të 'martohemi' me BE-në. Të harrojmë të gjitha 'divorcet' e së kaluarës nuk ka kthim mbrapa, por vetëm përpara”, tha Rama./ CNA





Lajmet e fundit nga