web counter
LEXO PA REKLAMA!

SHKARKO APP

App Store
Google Play

E fundit!

x

Bruksel/ Rama: Ta meritojmë BE-në, detyrat e shtëpisë t'i bëjmë më mirë për hatrin tonë

17 Dhjetor 2024, 09:55, Politikë CNA
Bruksel/ Rama: Ta meritojmë BE-në, detyrat e shtëpisë
Kryeministri Edi Rama

Kryeministri Edi Rama nga Brukseli ka deklaruar se Shqipëria është në momentin më të mirë të saj.

Gjatë fjalës së tij në konferencë për mediat, Rama tha se është shumë thelbësore të mos nënvlerësohet parimi në bazë të meritave, pasi sipas tij kjo do ta ndihmonte Shqipërinë për t’i bërë detyrat e shtëpisë për hatrin tonë.

Rama theksoi se Shqipëria do të bëhet Europa e Ballkanit Perëndimor dhe e ardhmja duhet të jetë në BE.

"Ne e kemi ndarë këtë jo vetëm me presidencën hungareze por dhe me komisionin që e ka mbështetur dhe kemi punuar. Thelbësore për ne që të mos nënvlerësojmë parimin në bazë të meritave dhe kjo do të na ndihmojë që t’i bëjmë detyrat e shjtëpisë për hatrin tonë.

Është e rëndësishme për ne që të jemi në mes të Europës dhe duam të bëjmë demokraci dhe ekonomi të lirë të tregut.

Ky kapitull i dijes dhe të një shteti që funksionon si shtet anëtar i BE-së është një dhuratë për ne që ne ta shohim të ardhmen tonë në BE. Shpresojmë ta bëjmë Shqipërinë Europën e Ballkanit Perëndimor.

Jemi të përkushtuar që të shikojmë me sytë e së ardhmes dhe jo me ato të së shkuarës, që na kanë lënë shumë prapa.

Jemi në momentin më të mirë të historisë sonë. Ne do të bëjmë më të mirën tonë. Ky moment që po prekim tani ne nisëm ta dyshonim. BE ka një zemër dhe ne e kemi dëshmuar këtë gjë, nuk është e madhe, por e ka."





Lajmet e fundit nga